മലയാള സിനിമയിലെ സകമലമാന ബോക്സ് ഓഫീസ് റെക്കോർഡുകളും കാലാകാലങ്ങളായി കൈവശം വെച്ചിരിക്കുന്ന സൂപ്പർ താരമാണ് മോഹൻലാൽ. മാസ്സ് അവതാരത്തിലും, കോമഡി ചെയ്തും, കുടുംബ ചിത്രവുമായി വന്നുമൊക്കെ മലയാളത്തിൽ ഇൻഡസ്ട്രി ഹിറ്റുകൾ സമ്മാനിച്ച ഒരേയൊരു താരവും മോഹൻലാൽ ആണ്. കേരളത്തിൽ മോഹൻലാലിന്റെ മാസ്സ് കഥാപാത്രങ്ങൾക്ക് ലഭിക്കുന്നത് പോലെയൊരു വരവേൽപ്പും കാത്തിരിപ്പും അതോടൊപ്പം മികച്ച അഭിപ്രായം നേടിയാൽ ആ ചിത്രം നേടുന്ന വിജയവും സമാനതകളില്ലാത്തതാണ് എന്നത് കഴിഞ്ഞ നാലു പതിറ്റാണ്ടുകളായി നമ്മൾ കണ്ടു കൊണ്ടിരിക്കുകയാണ്. ഇപ്പോഴിതാ അത്തരമൊരു മെഗാ മാസ്സ് കഥാപാത്രവുമായി മോഹൻലാൽ കാലങ്ങൾക്കു ശേഷമെത്തുന്ന ചിത്രമാണ് ആറാട്ട്.
മോഹൻലാലിൻറെ ഒരു വൺ മാൻ ഷോ പോലെ ഉത്സവത്തിമിർപ്പുമായി എത്താൻ പോകുന്ന ഈ ചിത്രത്തിന്റെ ടീസർ ഇന്ന് റിലീസ് ചെയ്തു. മോളിവുഡ് ബോക്സ് ഓഫീസിൽ ആഞ്ഞു വീശാൻ പോകുന്ന ഒരു കൊടുങ്കാറ്റിന്റെ സൂചന തന്നെയാണ് ഈ ടീസർ നമ്മുക്ക് തരുന്നത്. മോഹൻലാലിന്റെ മാസ്സ് ഡയലോഗും കിടിലൻ ആക്ഷൻ രംഗങ്ങളും ഈ ടീസറിനെ ഉയർത്തിയത് വേറെ ലെവെലിലേക്കാണ്. മോഹൻലാൽ മാസിന്റെ ഒരു പ്രകമ്പനം തന്നെ സൃഷ്ഠിക്കുന്ന ഈ ടീസർ ഇപ്പോൾ സോഷ്യൽ മീഡിയയിൽ രണഭേരി മുഴക്കി കഴിഞ്ഞു. ആരാധകരും സിനിമാ പ്രേമികളും ഒരേ ആവേശത്തോടെ സ്വീകരിക്കുന്ന ഈ ടീസറിലൂടെ അണിയറ പ്രവർത്തകർ നമ്മുക്ക് തരുന്നതും ഒരു മോഹൻലാൽ ആഘോഷമാണ്.
പുലി മുരുകൻ എന്ന മോഹൻലാൽ – വൈശാഖ് ഇൻഡസ്ട്രി ഹിറ്റ് ചിത്രം രചിച്ച, ഉദയ കൃഷ്ണ തിരക്കഥയൊരുക്കി, ബി ഉണ്ണികൃഷ്ണൻ സംവിധാനം ചെയ്ത ഈ ചിത്രം ഓണം റിലീസ് ആയാണ് ലോകം മുഴുവൻ റിലീസ് ചെയ്യുന്നത്. ഓഗസ്റ്റ് മാസത്തിൽ റിലീസ് ചെയ്യാൻ പോകുന്ന ഈ ചിത്രത്തിൽ മോഹൻലാലിനൊപ്പം സംഗീത മാന്ത്രികൻ എ ആർ റഹ്മാനും അഭിനയിക്കുന്നുണ്ട്. ഒരു വലിയ താരനിര തന്നെ അണിനിരക്കുന്ന ഈ ചിത്രത്തിന് സംഗീതം ഒരുക്കിയത് രാഹുൽ രാജ്, കാമറ ചലിപ്പിച്ചത് വിജയ് ഉലകനാഥ്, എഡിറ്റ് ചെയ്യുന്നത് ഷമീർ മുഹമ്മദ് എന്നിവരാണ്. ഹിപ്പോ പ്രൈം, മൂവി പേ മീഡിയ, ആർ ഡി ഇല്ല്യൂമിനേഷൻ എന്നിവർ ചേർന്നാണ് ഈ ബിഗ് ബജറ്റ് ചിത്രം നിർമ്മിച്ചിരിക്കുന്നത്.
ഒരു വലിയ ഇടവേളക്ക് ശേഷം ആക്ഷൻ സൂപ്പർസ്റ്റാർ സുരേഷ് ഗോപി വക്കീൽ വേഷത്തിലെത്തുന്ന ചിത്രമാണ് 'ജെ.എസ്.കെ' (ജാനകി v\s സ്റ്റേറ്റ്…
തമിഴ്നാട്ടിൽ ജയിലറിനെ മറികടന്ന് ദളപതി വിജയ്യുടെ ഗോട്ട്. തമിഴ്നാട് നിന്ന് മാത്രം 200 കോടി നേട്ടത്തിലേക്ക് കുതിക്കുന്ന ഈ ചിത്രം…
യുവതാരം ആസിഫ് അലിയുടെ കരിയറിലെ തന്നെ ഏറ്റവും വലിയ ഹിറ്റായി മാറി കിഷ്കിന്ധാ കാണ്ഡം. റിലീസ് ചെയ്ത് 8 ദിവസം…
പ്രശസ്ത മലയാള നടി കവിയൂര് പൊന്നമ്മ ആശുപത്രിയിൽ. അതീവ ഗുരുതരാവസ്ഥയില് ആണ് നടി ആശുപത്രിയിൽ തുടരുന്നതെന്നാണ് വാർത്തകൾ വരുന്നത്. വാര്ധക്യ…
പ്രശസ്ത ഓസ്ട്രേലിയൻ ക്രിക്കറ്റ് താരം ഡേവിഡ് വാർണർ ഇന്ത്യക്കാർക്കും ഏറെ പ്രിയങ്കരനാണ്. തന്റെ സോഷ്യൽ മീഡിയ പേജിലൂടെ ഇന്ത്യൻ ഗാനങ്ങൾക്കും…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. അമൽ നീരദ്…
This website uses cookies.