ഷാഫി ചിത്രങ്ങളിൽ എന്നും ഗംഭീര കഥാപാത്രങ്ങൾ ആണ് സലിം കുമാറിന് ലഭിച്ചിട്ടുള്ളത്. വൺ മാൻ ഷോയിലെ പ്രേക്ഷകരെ കുടുകുടെ ചിരിപ്പിച്ച ഭ്രാന്തൻ ഭാസ്കരൻ മുതൽ കല്യാണ രാമനിലെ പ്യാരിയും , പുലിവാൽ കല്യാണത്തിലെ മണവാളനും , തൊമ്മനും മക്കളിലെ രാജാ കണ്ണും മായാവിയിലെ കണ്ണൻ സ്രാങ്കുമെല്ലാം ഷാഫി ചിത്രങ്ങളിൽ സലിംകുമാർ അവതരിപ്പിച്ച ഗംഭീര കോമഡി കഥാപാത്രങ്ങൾ ആണ്. ഇന്ന് മലയാള സിനിമയിൽ ഏറ്റവും അധികം ആരാധകർ ഉള്ള കോമഡി കഥാപാത്രങ്ങൾ ആണ് മേൽ പറഞ്ഞ സലിം കുമാർ കഥാപാത്രങ്ങൾ. ഈ കഥാപാത്രങ്ങൾ പറഞ്ഞിട്ടുള്ള ഓരോ ഡയലോഗുകളും മലയാളികൾക്ക് കാണാപാഠം ആണെന്ന് മാത്രമല്ല നിത്യ ജീവിതത്തിൽ ഇന്ന് ഓരോരുത്തരും ഏറ്റവും അധികം ഉപയോഗിക്കുന്ന സംഭാഷങ്ങൾ ആയി പോലും അതെല്ലാം മാറി കഴിഞ്ഞു.
ഇപ്പോഴിതാ ഷാഫിയുടെ പുതിയ ചിത്രമായ ഷെർലക് ടോംസിലും ഒരു മികച്ച കഥാപാത്രത്തെ അവതരിപ്പിച്ചു സലിം കുമാർ കയ്യടി നേടുകയാണ്. ചൗരോ ആശാൻ എന്ന കഥാപാത്രത്തെയാണ് സലിം കുമാർ ഈ ചിത്രത്തിൽ അവതരിപ്പിക്കുന്നത്. ബിജു മേനോൻ അവതരിപ്പിക്കുന്ന ഷെർലക് ടോംസ് എന്ന ടൈറ്റിൽ കഥാപാത്രത്തിന്റെ അച്ഛനും സുഹൃത്തുമെല്ലാമാണ് ചൗരോ ആശാൻ. സലിം കുമാർ അവതരിപ്പിക്കുന്ന ഈ കഥാപാത്രത്തിനൊപ്പം നോബി, ദിനേശ് പ്രഭാകർ, മോളി കണ്ണമാലി എന്നിവർ അവതരിപ്പിക്കുന്ന കഥാപാത്രങ്ങളുമുണ്ട് പ്രേക്ഷകരെ പൊട്ടിചിരിപ്പിക്കാനായി .
സാധാരണ ഷാഫി ചിത്രങ്ങളിലെ കഥാപാത്രങ്ങളെ പോലെ കോമഡി മാത്രമല്ല സലിം കുമാറിന്റെ ഈ ചിത്രത്തിലെ കഥാപാത്രത്തിന് ചെയ്യാനുള്ളൂ. ത്രില്ലടിപ്പിക്കുന്ന മുഹൂർത്തങ്ങളിലൂടെ കടന്നു പോകുന്ന ഈ ചിത്രത്തിൽ സലിം കുമാർ കഥാപാത്രത്തിന് കോമഡിക്ക് മുകളിൽ മറ്റു ചിലതു കൂടി ചെയ്യാനുണ്ട്. എന്തായാലും ഒരിക്കൽ കൂടി പ്രേക്ഷകർ ഷാഫി- സലിംകുമാർ കോമ്പിനേഷനിൽ വന്ന ഒരു ഒരു കഥാപാത്രത്തെ കൂടി കയ്യടികളോടെ തന്നെ സ്വീകരിച്ചു.
വസ്ത്രധാരണ രീതിയിലൊക്കെ ചൗരോ ആശാന് എവിടൊക്കെയോ നമ്മുടെ കണ്ണൻ സ്രാങ്കിന്റെ ഛായ ഇല്ലേ എന്നും പ്രേക്ഷകർ ചോദിക്കുന്നുണ്ട്.
തമിഴ് സൂപ്പർതാരം അജിത്തുമായി ഒരു ചിത്രം ചെയ്യുമെന്നും അതിന്റെ കഥ അദ്ദേഹത്തോട് സംസാരിച്ചെന്നും വെളിപ്പെടുത്തി ലോകേഷ് കനകരാജ്. രണ്ടു പേരും…
നിവിൻ പോളിയെ നായകനാക്കി അരുൺ വർമ്മ സംവിധാനം ചെയ്ത "ബേബി ഗേൾ" എന്ന ചിത്രം സെപ്റ്റംബർ റിലീസായി പ്ലാൻ ചെയ്യുന്നു…
മോഹൻലാൽ, മമ്മൂട്ടി എന്നിവരെ പ്രധാന കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രം പാട്രിയറ്റിന്റെ പുതിയ ഷെഡ്യൂൾ ലഡാക്കിൽ എന്ന്…
ധനുഷ്- നിത്യ മേനോൻ കോമ്പോ ഒന്നിക്കുന്ന 'ഇഡ്ലി കടൈ' ഒക്ടോബർ ഒന്നിന് ആഗോള റിലീസായി എത്തും. ധനുഷ് തന്നെയാണ് ചിത്രത്തിന്റെ…
പുതുമുഖ സംവിധായകൻ, ഒപ്പം പുതിയ താരങ്ങളും.മാജിക് ഫ്രെയിംസിന്റെ ഏറ്റവും പുതിയ ചിത്രം " മെറി ബോയ്സ് " ലൂടെ ഇത്തരത്തിലുള്ള…
ഹൃതിക് റോഷൻ- ജൂനിയർ എൻ ടി ആർ ടീം ഒന്നിക്കുന്ന വാർ 2 എന്ന ബ്രഹ്മാണ്ഡ ബോളിവുഡ് ആക്ഷൻ ചിത്രം…
This website uses cookies.