ചിരിയും ത്രില്ലും; അപൂർവ കോമ്പിനേഷന്റെ വിജയ കുതിപ്പുമായി ഷെർലക് ടോംസ്..!

ഷാഫി ഒരുക്കിയ ബിജു മേനോൻ ചിത്രമായ ഷെർലക് ടോംസ് ഇപ്പോൾ കേരളത്തിലെ തീയേറ്ററുകളിൽ വിജയകരമായി പ്രദർശനം തുടരുകയാണ്. എന്നും നമ്മുക്ക് ഒരുപാട് ചിരിക്കാനുള്ള ചിത്രങ്ങൾ സമ്മാനിച്ചിട്ടുള്ള സംവിധായകൻ ആണ് ഷാഫി. ഷാഫി ചിത്രങ്ങളിലെ കഥാപാത്രങ്ങളും കോമഡി ഡയലോഗുകളും എല്ലാം തന്നെ ഇന്ന് ട്രോളന്മാരുടെ ഇഷ്ട പണിയായുധങ്ങൾ ആണെന്ന് പറയാം. അത്രമാത്രം നിത്യ ഹരിതമായ തമാശ രംഗങ്ങളും കോമഡി കഥാപാത്രങ്ങളും ഷാഫി ചിത്രങ്ങളുടെ ഭാഗമാണ്.

ഷെർലക് ടോംസ് എന്ന ഈ ചിത്രത്തിൽ എത്തിയപ്പോൾ ഷാഫി കോമേഡിയോടൊപ്പം ത്രില്ലും സസ്‌പെൻസും കൂടി മിക്സ് ചെയ്തു. കോമെടിയും ത്രില്ലും ഒരപൂർവ കോമ്പിനേഷൻ ആണെന്ന് മാത്രമല്ല വർക്ക് ഔട്ട് ആവാൻ അല്പം പ്രയാസമുള്ള ഒരു കോമ്പിനേഷൻ കൂടിയാണ്. പക്ഷെ ഷെർലക് ടോംസിൽ ഈ കോമ്പിനേഷൻ വർക്ക് ഔട്ട് ആയതാണ് ഈ ചിത്രത്തെ വമ്പൻ വിജയത്തിലേക്ക് നയിക്കുന്നത്.

ബിജു മേനോൻ അവതരിപ്പിക്കുന്ന തോമസ് എന്ന കഥാപാത്രത്തിന് ഒപ്പം തന്നെ ശ്രിന്ദ, റാഫി, സലിം കുമാർ, കോട്ടയം നസീർ , ഹാരിഷ് കണാരൻ , കലാഭവൻ ഷാജോൺ, സുരേഷ് കൃഷ്ണ , നോബി , വിജയ രാഘവൻ എന്നിവരും പ്രേക്ഷകരെ പൊട്ടിചിരിപ്പിക്കുന്നുണ്ട് ഈ ചിത്രത്തിൽ .

ബിജു മേനോൻ- ശ്രിന്ദ ജോഡികൾ അവതരിപ്പിക്കുന്ന ദമ്പതിമാരുടെ കുടുംബ ജീവിതത്തിലെ പ്രശ്നങ്ങളുടെ ഹാസ്യാവിഷ്‌കാരം മുതൽ തോമസിന്റെ ഔദ്യോഗിക ജീവിതത്തിൽ ഉണ്ടാകുന്ന പ്രശ്നങ്ങൾ വരെ തമാശയും ത്രില്ലും ഇടകലർത്തിയാണ് ഈ ചിത്രത്തിൽ അവതരിപ്പിച്ചിരിക്കുന്നത്. ഏതായാലും ഈ ചിരി വിരുന്നു കുടുംബ പ്രേക്ഷകർ ഇരു കയ്യും നീട്ടി സ്വീകരിച്ചു കഴിഞ്ഞു എന്ന് പറയാം.