മൈഥിലിയുടെ പ്രണയ ഭാവങ്ങളുമായി കാറ്റിൽ ഒരു പായ്കപ്പൽ ടീസർ എത്തി.

നവാഗതനായ പി വിജയ കുമാർ സംവിധാനം ചെയ്ത ചിത്രമാണ് ഒരു കാറ്റിൽ ഒരു പായ്കപ്പൽ. അദ്ദേഹം തന്നെയാണ് ഈ ചിത്രത്തിന്റെ കഥയും രചിച്ചിരിക്കുന്നത്. ഈ ചിത്രത്തിന്റെ കിടിലൻ ടീസർ കഴിഞ്ഞ ദിവസം പുറത്തു ഇറങ്ങുകയും ഗംഭീര പ്രേക്ഷക പ്രതികരണം നേടിയെടുക്കുകയുമാണ് ഇപ്പോൾ. ഷൈൻ ടോം ചാക്കോ, മൈഥിലി തുടങ്ങിയവർ കേന്ദർ കഥാപാത്രങ്ങളെ അവതരിപ്പിക്കുന്ന ഈ ചിത്രം സൺ ആഡ്‌സ് ആൻഡ് ഫിലിം പ്രൊഡക്ഷൻസ് ആണ് അവതരിപ്പിക്കുന്നത്.

നടി മൈഥിലി സാറ എന്ന കഥാപാത്രത്തെ അവതരിപ്പിക്കുമ്പോൾ ഷൈൻ ടോം ചാക്കോ അജിത് എന്ന കഥാപാത്രത്തിന് ജീവൻ നൽകുന്നു. ഡോക്ടർ സുന്ദർ മേനോൻ ആണ് ഈ ചിത്രം നിർമ്മിച്ചിരിക്കുന്നത്. ഒരു പ്രണയ കഥ പറയുന്ന ഈ ചിത്രത്തിന്റെ ടീസർ വാലെന്റൈൻസ് ഡേ സ്പെഷ്യൽ ആയാണ് ഇന്നലെ റിലീസ് ചെയ്തത്.

ജോമോൻ തോമസ് ആണ് ഈ ചിത്രത്തിന് ദൃശ്യങ്ങൾ ഒരുക്കിയിരിക്കുന്നത്. പ്രശസ്ത സംഗീത സംവിധായകൻ ബിജിപാൽ സംഗീതം ഒരുക്കിയിരിക്കുന്ന ഈ ചിത്രത്തിന് വേണ്ടി എഡിറ്റിംഗ് നിർവഹിച്ചിരിക്കുന്നത് ദിലീപ് ഡെന്നിസ് ആണ്. ശ്യാം പി എസ് തിരക്കഥ രചിച്ചിരിക്കുന്നു കാറ്റിൽ ഒരു പായ്കപ്പൽ എന്ന ചിത്രത്തിലെ ഗാനങ്ങൾക്ക് വരികൾ എഴുതിയിരിക്കുന്നത് സന്തോഷ് വർമയാണ്.

അധികം വൈകാതെ തന്നെ ഈ ചിത്രം പ്രദർശനത്തിന് എത്തുമെന്നാണ് വിവരങ്ങൾ ലഭിക്കുന്നത്. മൈഥിലിയുടെ ശ്കതമായ ഒരു തിരിച്ചു വരവായിരിക്കും ഈ ചിത്രം എന്ന് റിപ്പോർട്ടുകൾ പറയുന്നു. ഇത് കൂടാതെ പ്രിയനന്ദനൻ സംവിധാനം ചെയ്ത പാതിരക്കാലം എന്ന ചിത്രത്തിലും മൈഥിലി കേന്ദ്ര കഥാപാത്രത്തെ അവതരിപ്പിച്ചിട്ടുണ്ട്. ഒരുപാട് ഫിലിം ഫെസ്റിവലുകളിലേക്കു തിരഞ്ഞെടുക്കപ്പെട്ട ആ ചിത്രവും വൈകാതെ തീയേറ്ററുകളിൽ എത്തും .