ഗോലി സോഡ 2 ട്രൈലെർ എത്തി; ഗൗതം മേനോനും ചെമ്പൻ വിനോദും നിർണ്ണായക വേഷങ്ങളിൽ.!

സൂപ്പർ ഹിറ്റായി മാറിയ ഗോലിസോഡ എന്ന തമിഴ് ചിത്രത്തിന്റെ രണ്ടാം ഭാഗമായ ഗോലിസോഡ 2 ന്റെ ട്രൈലെർ കഴിഞ്ഞ ദിവസം എത്തി. എസ് ഡി വിജയ് മിൽട്ടൺ സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് വിജയ് മിൽട്ടന്റെ സഹോദരൻ കൂടിയായ ഭരത് സീനി ആണ്. റഫ് നോട്ട് പ്രൊഡക്ഷൻസിന്റെ ബാനറിൽ ആണ് ഈ ചിത്രം നിർമ്മിച്ചിരിക്കുന്നത്. വിജയ് മിൽട്ടൺ തന്നെ തിരക്കഥ രചിക്കുകയും ഛായാഗ്രഹണം നിർവഹിക്കുകയും ചെയ്തിരിക്കുന്ന ഈ ചിത്രത്തിന് സംഗീതം പകർന്നിരിക്കുന്നത് അച്ചുവാണ്. സമുദ്രക്കനി നായക വേഷത്തിൽ എത്തിയിരിക്കുന്ന ഈ ചിത്രത്തിൽ പ്രശസ്ത സംവിധായൻ ഗൗതം വാസുദേവ് മേനോനും പ്രശസ്ത മലയാള നടൻ ചെമ്പൻ വിനോദും പ്രധാന വേഷങ്ങളിൽ എത്തിയിരിക്കുന്നു. ചെമ്പൻ വിനോദ് ആദ്യമായി അഭിനയിക്കുന്ന തമിഴ് ചിത്രമാണ് ഗോലിസോഡ 2 .

ഇവരെ കൂടാതെ രോഹിണി, സുഭിക്ഷ, രക്ഷിത ബാബു, ഭരത് സീനി , വിനോദ, ഇസാക്കി ഭരത് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്. അരുൺ ബാലാജി, വിജയ് മിൽട്ടൺ, ഡെസിങ് പെരിയസാമി എന്നിവർ ചേർന്നാണ് ഈ ചിത്രത്തിന്റെ കഥ രചിച്ചിരിക്കുന്നത്. ദീപക് എഡിറ്റ് ചെയ്തിരിക്കുന്ന ഈ ചിത്രത്തിന് സംഘട്ടനം ഒരുക്കിയത് സുപ്രീം സുന്ദർ ആണ്. വിജയ് മിൽട്ടൺ സംഭാഷണങ്ങളും രചിച്ചിരിക്കുന്ന ഈ ചിത്രത്തിന് നൃത്തം ഒരുക്കിയിരിക്കുന്നത് ശ്രീധർ ആണ്.

ഒരു പക്കാ ത്രില്ലർ ആയാണ് ഈ ചിത്രം ഒരുക്കിയിരിക്കുന്നത്. ഗോലിസോഡ എന്ന ചിത്രത്തിന്റെ നേരിട്ടുള്ള തുടർച്ച ആയല്ല ഈ രണ്ടാം ഭാഗം നിർമ്മിച്ചിരിക്കുന്നത് . ഈ വർഷം ഏപ്രിൽ മാസത്തിൽ ഗോലിസോഡ 2 റിലീസ് ചെയ്യും.