ആഴക്കടലിൽ ഉല്ലാസ യാത്രയുമായി ഗോദ നായിക വാമിക ഗബ്ബി; വീഡിയോ കാണാം.

ബേസിൽ ജോസഫ് സംവിധാനം ചെയ്ത ഗോദ എന്ന ടോവിനോ തോമസ് ചിത്രത്തിലൂടെ മലയാള സിനിമയിൽ എത്തിയ പഞ്ചാബി സുന്ദരിയാണ് വാമിക ഗബ്ബി. ആ ചിത്രത്തിൽ ഈ നടി കാഴ്ചവെച്ച പ്രകടനം ഏറെ ശ്രദ്ധ നേടിയിരുന്നു. തന്റെ അഭിനയ മികവ് കൊണ്ടും സൗന്ദര്യം കൊണ്ടും ഏറെ ആരാധകരെയാണ് വാമിക കേരളത്തിൽ നിന്നും നേടിയത്. ഗോദക്ക് ശേഷം പൃഥ്വിരാജ് സുകുമാരൻ നായകനായ നയൻ എന്ന ചിത്രത്തിലും അഭിനയിച്ച വാമിക ഒട്ടേറെ ഹിന്ദി, പഞ്ചാബി ചിത്രങ്ങളിലും അഭിനയിച്ചു ശ്രദ്ധ നേടിയിട്ടുണ്ട്. ഇപ്പോഴിതാ ഈ നടി പങ്കു വെച്ച ഒരു വീഡിയോയാണ് ശ്രദ്ധ നേടുന്നത്. ഒരു ബോട്ടിൽ കടലിൽ ഉല്ലാസയാത്ര നടത്തുന്ന വീഡിയോയാണ് വാമിക പങ്കു വെച്ചിരിക്കുന്നത്. ദൂരെയുള്ള സ്വപ്നഭൂമിയിലേക്കു ഒഴുകി നീങ്ങുകയാണെന്നും വാമിക കുറിച്ചിട്ടുണ്ട്. ചുവന്ന വസ്ത്രത്തിൽ ഗ്ലാമറസായാണ് വാമികയെ ഈ വീഡിയോയിൽ നമ്മുക്ക് കാണാൻ സാധിക്കുന്നത്.

https://youtube.com/shorts/-Y9uvrfPYws

2007 ഇൽ റിലീസ് ചെയ്ത സൂപ്പർ ഹിറ്റ് ബോളിവുഡ് ചിത്രമായ ജബ് വീ മെറ്റിൽ അഭിനയിച്ചു കൊണ്ടാണ് വാമിക സിനിമയിൽ അരങ്ങേറ്റം കുറിച്ചത്. അതിന് ശേഷം ലവ് ആജ് കൽ, മോസം, ബിട്ടൂ ബോസ്, സിക്സ്റ്റീൻ, 83 എന്നീ ഹിന്ദി ചിത്രങ്ങളിലും വാമിക അഭിനയിച്ചിട്ടുണ്ട്. ബാലെ മാഞ്ചി റോജു എന്ന തെലുങ്ക് ചിത്രത്തിലും, മാലൈ നേരത്ത് മയക്കം എന്ന തമിഴ് ചിത്രത്തിലും വേഷമിട്ടിട്ടുള്ള വാമികയുടെ അടുത്ത റിലീസ് ഹിന്ദി ചിത്രമായ ഖൂഫിയ ആണ്. ഹോട്ട് സ്റ്റാർ സീരിസായ ഗ്രഹൻ, നെറ്റ്ഫ്ലിക്സ് സീരിസായ മായ്: എ മദേഴ്‌സ് റേജ്‌, മോഡേൺ ലവ് മുംബൈ എന്ന ആമസോൺ സീരിസ് എന്നിവയിലും അഭിനയിച്ചിട്ടുള്ള വാമിക അഭിനയിച്ചു പുറത്തു വരാനുള്ള പുതിയ സീരിസ്, നെറ്റ്ഫ്ലിക്സിന്റെ ബാഹുബലി:ബിഫോർ ദി ബിഗിനിംഗ് ആണ്.