തെന്നിന്ത്യയെ വിസ്മയിപ്പിക്കാൻ വീണ്ടും വിനായകൻ ഷോ; വിക്രം ചിത്രം ധ്രുവ നച്ചത്തിരം ട്രൈലെർ തരംഗമാകുന്നു.
തമിഴകത്തിന്റെ സൂപ്പർ താരം ചിയാൻ വിക്രം നായകനായി എത്തുന്ന ഏറ്റവും പുതിയ ചിത്രമാണ് ധ്രുവ നച്ചത്തിരം. ഗൗതം വാസുദേവ് മേനോൻ സംവിധാനം ചെയ്ത ഈ ചിത്രം ഒന്നിലധികം ഭാഗങ്ങളായാണ് പുറത്തു വരിക. നവംബർ 24 നാണ് ഈ ചിത്രത്തിന്റെ ആദ്യ ഭാഗം പ്രേക്ഷകരുടെ മുന്നിലെത്തുന്നത്. ഇപ്പോഴിതാ ഇതിന്റെ ട്രെയ്ലറാണ് സോഷ്യൽ മീഡിയയിൽ തരംഗമായി മാറുന്നത്. ജോൺ എന്ന കഥാപാത്രമായി വിക്രം അഭിനയിച്ചിരിക്കുന്ന ഈ ചിത്രത്തിൽ മലയാള താരം വിനായകനും ഒരു നിർണ്ണായക വേഷം ചെയ്യുന്നുണ്ട്. ട്രെയ്ലറിൽ തന്നെ വിനായകൻ വരുന്ന രംഗങ്ങൾ സോഷ്യൽ മീഡിയയിൽ വൈറലായിക്കഴിഞ്ഞു. അതിലെ അദ്ദേഹത്തിന്റെ ഡയലോഗുകളും വലിയ ആവേശത്തോടെയാണ് ആരാധകർ സ്വീകരിക്കുന്നത്. രജനികാന്ത് നായകനായ ജയിലറിന് ശേഷം വീണ്ടും തെന്നിന്ത്യയിൽ വിനായകൻ തരംഗം ആഞ്ഞടിക്കുമെന്ന പ്രതീക്ഷയിലാണ് ആരാധകരും സിനിമാ പ്രേമികളും.
സ്റ്റൈലിഷ് ലുക്കിലാണ് വിനായകൻ ഇതിൽ പ്രത്യക്ഷപ്പെടുന്നത്. ഇതിന്റെ ടീസറുകൾ, ഇതിലെ ഗാനങ്ങൾ എന്നിവ നേരത്തെ റിലീസ് ചെയ്യുകയും കയ്യടി നേടുകയും ചെയ്തിരുന്നു. റിതു വർമ നായികാ വേഷം ചെയ്യുന്ന ഈ ചിത്രത്തിൽ രാധിക ശരത് കുമാർ, പാർത്ഥിപൻ, ദിവ്യ ദർശിനി, വംശി കൃഷ്ണ എന്നിവരും വേഷമിട്ടിട്ടുണ്ട്. മനോജ് പരമഹംസ ക്യാമറ ചലിപ്പിച്ച ഈ ചിത്രത്തിന് സംഗീതമൊരുക്കിയത് ഹാരിസ് ജയരാജാണ്. ആന്റണി ആണ് ധ്രുവ നച്ചത്തിരം എഡിറ്റ് ചെയ്തിരിക്കുന്നത്. ഗൗതം വാസുദേവ് മേനോന്റെ നിർമ്മാണ കമ്പനി തന്നെ നിർമ്മിച്ചിരിക്കുന്ന ഈ ചിത്രം ഒരു സ്പൈ ത്രില്ലറായാണ് ഒരുക്കിയിരിക്കുന്നതെന്ന സൂചനയാണ് ട്രൈലെർ തരുന്നത്. സെൻസറിങ് പൂർത്തിയായ ഈ ചിത്രത്തിന് യു എ സർട്ടിഫിക്കറ്റ് ആണ് ലഭിച്ചിരിക്കുന്നത്.
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
മലയാള സിനിമയിലെ ഇതിഹാസ തുല്യനായ സംവിധായകൻ പ്രിയദർശന്റെ കരിയറിലെ നൂറാം ചിത്രം അടുത്ത വർഷം ആരംഭിക്കും. തന്റെ ആദ്യ ചിത്രത്തിലെ…
നടൻ കലാഭവൻ നവാസ് അന്തരിച്ചു. 51 വയസ്സായിരുന്നു. ഹൃദയാഘാതം മൂലമാണ് മരണമെന്നാണ് റിപ്പോർട്ട്. ചോറ്റാനിക്കരയിലെ ഹോട്ടൽ മുറിയിൽ അദ്ദേഹത്തെ മരിച്ച…
This website uses cookies.