ഗാനഗന്ധർവ്വനിലെ പുതിയ ഗാനം ഇതാ; വിജയകരമായി പ്രദർശനം തുടർന്ന് മമ്മൂട്ടി ചിത്രം..!

ഇപ്പോൾ തീയേറ്ററുകളിൽ വിജയകരമായി പ്രദർശനം തുടരുന്ന മമ്മൂട്ടി ചിത്രമായ ഗാനഗന്ധർവ്വനിലെ പുതിയ സോങ് ലിറിക് വീഡിയോ എത്തി. ദീപക് ദേവ് ഈണം പകർന്ന വീഥിയിൽ എന്ന് തുടങ്ങുന്ന ഈ ഗാനം രചിച്ചിരിക്കുന്നത് റഫീഖ് അഹമ്മദും ഈ ഗാനം ആലപിച്ചിരിക്കുന്നത് ഉണ്ണി മേനോനും ആണ്. ഈ സിനിമയിലെ ഗാനങ്ങൾ എല്ലാം തന്നെ ഹിറ്റാണ്. ഒരു ഗാനമേള ട്രൂപ്പിലെ ഗായകൻ ആയാണ് മമ്മൂട്ടി ഈ ചിത്രത്തിൽ അഭിനയിക്കുന്നത്. കലാസദൻ ഉല്ലാസ് എന്നാണ് ഈ ചിത്രത്തിൽ മമ്മൂട്ടി അവതരിപ്പിക്കുന്ന കഥാപാത്രത്തിന്റെ പേര്. ഇദ്ദേഹത്തിന്റെ ജീവിതത്തിൽ ഉണ്ടാവുന്ന ചില അപ്രതീക്ഷിത സംഭവ വികാസങ്ങൾ ആണ് ഈ ചിത്രത്തിലൂടെ നമ്മുടെ മുന്നിൽ അവതരിപ്പിച്ചിരിക്കുന്നത്.

പഞ്ചവർണ്ണതത്തക്കു ശേഷം രമേശ് പിഷാരടി സംവിധാനം ചെയ്ത ഈ ചിത്രം മികച്ച കുടുംബ ചിത്രം എന്ന അഭിപ്രായം നേടിയാണ് മുന്നേറുന്നത്. മമ്മൂട്ടിക്ക് ഒപ്പം സുരേഷ് കൃഷ്ണ, മനോജ് കെ ജയൻ, റാഫി എന്നിവരും ശ്രദ്ധ നേടുന്ന ഈ ചിത്രത്തിലെ മറ്റു കഥാപാത്രങ്ങൾക്ക് ജീവൻ പകർന്നിരിക്കുന്നത് വന്ദിത മനോഹരൻ, ധർമജൻ, മുകേഷ്, ഇന്നസെന്റ്, സുനിൽ സുഗത, രാജേഷ് ശർമ്മ , സലിം കുമാർ, ജോണി ആന്റണി, സുധീർ കരമന, മണിയൻ പിള്ള രാജു എന്നിവരാണ്. രമേശ് പിഷാരടിയും ഹരി പി നായരും ചേർന്നാണ് ഈ ചിത്രത്തിന് വേണ്ടി തിരക്കഥ രചിച്ചിരിക്കുന്നത്. അഴകപ്പൻ എന്ന പരിചയ സമ്പന്നനായ ക്യാമറമാൻ നൽകിയ മനോഹരമായ ദൃശ്യങ്ങളും ഈ ചിത്രത്തിന്റെ മികവ് വർധിപ്പിച്ചിട്ടുണ്ട്. ഇച്ചയീസ് പ്രൊഡക്ഷൻസിനൊപ്പം ചേർന്ന് രമേശ് പിഷാരടി തന്നെയാണ് ഈ ചിത്രം നിർമ്മിച്ചിരിക്കുന്നതും.