പള്ളിക്കകത്ത് അലമ്പുണ്ടാക്കിയാൽ അടിച്ചിരിക്കും; സൂപ്പർ ഹിറ്റായി വരയൻ ട്രൈലെർ..!

യുവ താരം സിജു വിൽ‌സൺ നായകനായി എത്തുന്ന ഏറ്റവും പുതിയ ചിത്രമാണ് വരയൻ. മെയ് ഇരുപതിന്‌ റിലീസ് ചെയ്യാൻ പോകുന്ന ഈ ചിത്രത്തിന്റെ ട്രൈലെർ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. കോമഡിയും സസ്പെൻസും മാസ് ഡയലോഗുകളും ആക്ഷനും നിറഞ്ഞ ഈ ട്രൈലെർ സൂപ്പർ ഹിറ്റാണ് എന്ന് തന്നെ പറയാം. ഫാദർ എബി കപ്പൂച്ചിൻ എന്ന പുരോഹിതനായാണ് സിജു വിൽ‌സൺ ഈ ചിത്രത്തിൽ എത്തുന്നത്. സിജു വിത്സന്റെ ഇതിലെ ഗെറ്റപ്പ് വലിയ ശ്രദ്ധ നേടിയിരുന്നു. മൂടി നീട്ടി വളർത്തിയ രൂപത്തിലാണ് അദ്ദേഹം ഇതിൽ അഭിനയിച്ചിരിക്കുന്നത്. സത്യം സിനിമാസിന്റെ ബാനറിൽ സിജു വിൽസൺ, ലിയോണ ലിഷോയ് എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിജോ ജോസഫ് ആണ് ഈ ചിത്രം സംവിധാനം ചെയ്തിരിക്കുന്നത്. ടെറർ ബിഹൈന്റ് ദ സ്‌മൈൽ എന്ന ടൈറ്റിലോടെ ആണ് ഇതിന്റെ ഫസ്റ്റ് ലുക്ക് പോസ്റ്റർ പുറത്തു വന്നത്.

അതുപോലെ ഇതിലെ ഒരു ഗാനവും റിലീസ് ചെയ്തു സൂപ്പർ ഹിറ്റായിരുന്നു. പറ പറ പറ പാറുപെണ്ണേ എന്ന വരികളോടെ തുടങ്ങുന്ന ഗാനമാണ് റിലീസ് ആയതു. സത്യം സിനിമാസിന്റെ ബാനറിൽ പ്രേമചന്ദ്രൻ എ.ജി നിർമ്മിക്കുന്ന ചിത്രത്തിന് തിരക്കഥ ഒരുക്കിയത് ഡാനി കപ്പുച്ചിൻ ആണ്. രജീഷ് രാമൻ ഛായാഗ്രഹണവും ജോൺകുട്ടി എഡിറ്റിംങ്ങും നിർവഹിച്ച ഈ ചിത്രത്തിന് സംഗീതം പകർന്നത് പ്രകാശ് അലക്‌സ് ആണ്. തിന്മയ്ക്ക് എതിരെ നിശ്ശബ്ദനാകാത്ത, പ്രതികരിക്കുന്ന ഒരു പള്ളീലച്ചനായാണ് സിജു വിൽസൻ ഈ ചിത്രത്തിൽ അഭിനയിക്കുന്നത് എന്നാണ് ട്രൈലെർ നമ്മുക്ക് കാണിച്ചു തരുന്നത്. മണിയൻപിള്ള രാജു, അരിസ്റ്റോ സുരേഷ്, വിജയരാഘവൻ, ജൂഡ് ആന്തണി ജോസഫ്, ജോയ് മാത്യു എന്നിവരും ഇതിന്റെ താരനിരയിൽ ഉണ്ട്.