ചിരിപ്പിച്ചു കൊണ്ട് ആവേശം കൊള്ളിക്കുന്ന കോമഡി ത്രില്ലറുമായി വികട കുമാരൻ; ട്രെയിലറിന് വമ്പൻ സ്വീകരണം..!

മാർച്ച് മാസത്തിൽ പ്രദർശനത്തിന് എത്തുന്ന ബോബൻ സാമുവൽ ചിത്രം വികട കുമാരന്റെ ട്രൈലെർ മെഗാ സ്റ്റാർ മമ്മൂട്ടി റിലീസ് ചെയ്തിരുന്നു. ഇപ്പോൾ ഈ ട്രെയിലറിന് സോഷ്യൽ മീഡിയയിൽ നിന്ന് വമ്പൻ പ്രതികരണം ആണ് ലഭിച്ചു കൊണ്ടിരിക്കുന്നത്. ഒരു കോമഡി ത്രില്ലർ ആയാണ് ഈ ചിത്രം ഒരുക്കിയിരിക്കുന്നത് എന്ന് ഇതിന്റെ ട്രൈലെർ സൂചന തരുന്നുണ്ട്. കട്ടപ്പനയിലെ ഹൃതിക് റോഷൻ, ശിക്കാരി ശംഭു എന്നീ ചിത്രങ്ങൾക്ക് ശേഷം വിഷ്ണു ഉണ്ണികൃഷ്ണൻ പ്രധാന വേഷത്തിൽ എത്തുന്ന ഈ ചിത്രത്തിൽ ധർമജൻ ബോൾഗാട്ടിയും നിർണ്ണായക വേഷത്തിൽ എത്തിയിരിക്കുന്നു. ഒരു വക്കീൽ ആയാണ് ഈ ചിത്രത്തിൽ വിഷ്ണു ഉണ്ണികൃഷ്ണൻ അഭിനയിച്ചിരിക്കുന്നത്. കാറ്റ് എന്ന ആസിഫ് അലി- മുരളി ഗോപി- അരുൺ കുമാർ അരവിന്ദ് ചിത്രത്തിലൂടെ പ്രശസ്തയായ നടി മാനസാ രാധാകൃഷ്ണൻ ആണ് ഈ ചിത്രത്തിലെ വിഷ്ണു ഉണ്ണികൃഷ്ണന്റെ നായിക. ചാന്ദ് വി ക്രീയേഷന്സിന്റെ ബാനറിൽ അരുൺ ഘോഷ്, ബിജോയ് ചന്ദ്രൻ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്.

വൈ വെ രാജേഷ് ഒരിക്കൽ കൂടി ബോബൻ സാമുവലിനു വേണ്ടി രചന നിർവഹിച്ചിരിക്കുന്ന ഈ ചിത്രത്തിൽ ഒരു വമ്പൻ താര നിര തന്നെ അണി നിരന്നിട്ടുണ്ട്. റാഫി, ജയരാജ് വാര്യർ, , ഇന്ദ്രൻസ്, ബൈജു, ജിനു ജോസ്, സുനിൽ സുഗത, ദേവിക നമ്പ്യാർ, പാർവതി നായർ, ശ്രീലക്ഷ്മി ഗീതാനന്ദൻ, സീമ ജി നായർ എന്നിവരും ഈ ചിത്രത്തിന്റെ ഭാഗമാണ്. അജയ് ഡേവിഡ് കാച്ചപ്പിള്ളി ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നിരിക്കുന്നത് രാഹുൽ രാജ് , എഡിറ്റ് ചെയ്തിരിക്കുന്നത് ദീപു ജോസഫ് എന്നിവരാണ്. ഏതായാലും ഇതിന്റെ കിടിലൻ ട്രൈലെർ പ്രേക്ഷകർ ഏറ്റെടുത്തതോടെ ഈ സമ്മർ സീസണിൽ പ്രേക്ഷകർ ഏറ്റവും അധികം കാത്തിരിക്കുന്ന പട്ടികയിൽ വികട കുമാരനും ഇടം പിടിച്ചു കഴിഞ്ഞു എന്ന് സംശയമില്ലാതെ തന്നെ പറയാൻ സാധിക്കും.