സന്തോഷ് ശിവൻ സംവിധാനം ചെയ്ത ഏറ്റവും പുതിയ മലയാള ചിത്രമാണ് ജാക്ക് ആൻഡ് ജിൽ. മെയ് ഇരുപതിന്‌ റിലീസ് ചെയ്യാൻ പോകുന്ന ഈ സയൻസ് ഫിക്ഷൻ കോമഡി ചിത്രം ഒരേ സമയം മലയാളത്തിലും തമിഴിലുമായാണ് ഒരുക്കിയിരിക്കുന്നത്. ഇതിന്റെ മലയാളം പതിപ്പിന്റെ ടീസർ, ട്രൈലെർ എന്നിവ നേരത്തെ തന്നെ റിലീസ് ചെയ്യുകയും സൂപ്പർ ഹിറ്റാവുകയും ചെയ്തിരുന്നു. ഇപ്പോഴിതാ ഈ ചിത്രത്തിന്റെ തമിഴ് പതിപ്പിന്റെ ട്രൈലെർ കൂടി പുറത്തു വന്നിരിക്കുകയാണ്. സെന്റിമീറ്റർ എന്നാണ് ഈ ചിത്രത്തിന്റെ തമിഴ് പതിപ്പിന്റെ ടൈറ്റിൽ. മാത്രമല്ല, മലയാളത്തിൽ സൗബിൻ ഷാഹിർ അവതരിപ്പിക്കുന്ന കഥാപാത്രത്തിന് പകരം തമിഴിൽ ആ വേഷം ചെയ്യുന്നത് പ്രശസ്ത തമിഴ് ഹാസ്യ നടൻ യോഗി ബാബുവാണ്. മലയാളത്തിൽ രഞ്ജിത്ത് ടച് റിവർ എഡിറ്റ് ചെയ്ത ഈ ചിത്രത്തിന്റെ തമിഴ് വേർഷൻ എഡിറ്റ് ചെയ്തിരിക്കുന്നത് ലോറൻസ് കിഷോറാണ്.
മഞ്ജു വാര്യർ, യോഗി ബാബു എന്നിവരെ കൂടാതെ നെടുമുടി വേണു, ഇന്ദ്രൻസ്, ബേസിൽ ജോസഫ്, കാളിദാസ് ജയറാം, അജു വർഗീസ്, സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ എന്നിവരാണ് ഈ ചിത്രത്തിൽ അഭിനയിച്ചിരിക്കുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ, സന്തോഷ് ശിവൻ, എം പ്രശാന്ത് ദാസ് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് റാം സുരീന്ദർ, ഗോപി സുന്ദർ, ജേക്സ് ബിജോയ് എന്നിവർ ചേർന്നാണ് സംഗീത സംവിധാനം നിർവഹിച്ചിരിക്കുന്നത്. സന്തോഷ് ശിവൻ, അജിൽ എസ് എം എന്നിവർ ചേർന്ന് തിരക്കഥയൊരുക്കിയ ഇതിനു ക്യാമറ ചലിപ്പിച്ചതും സന്തോഷ് ശിവൻ തന്നെയാണ്.
പ്രശസ്ത സംവിധായകനായ വിനയന്റെ മകനും നടനുമായ വിഷ്ണു വിനയ് ആദ്യമായി സംവിധാനം ചെയ്ത ആനന്ദ് ശ്രീബാല എന്ന ചിത്രമാണ് ഇന്ന്…
മലയാളത്തിന്റെ മഹാനടൻ മോഹൻലാൽ ആദ്യമായി സംവിധാനം ചെയ്ത ചിത്രം "ബറോസ്- നിധി കാക്കും ഭൂതം" റിലീസ് തീയതി പുറത്ത്. കുട്ടികൾക്കായുള്ള…
പ്രശസ്ത സംവിധായകൻ മഹേഷ് നാരായണൻ ഒരുക്കുന്ന ബിഗ് ബജറ്റ് മൾട്ടി സ്റ്റാർ ചിത്രത്തിന്റെ ഷൂട്ടിംഗ് നവംബർ പതിനാറിന് ശ്രീലങ്കയിൽ ആരംഭിക്കും.…
ജനപ്രിയ നായകൻ ദിലീപ് ലോക്കൽ സൂപ്പർ ഹീറോ ആയി എത്തുന്ന പറക്കും പപ്പൻ എന്ന ചിത്രം പ്രഖ്യാപിച്ചിട്ട് ഇപ്പോൾ 2…
യുവതാരം അർജുൻ അശോകനെ നായകനാക്കി വിഷ്ണു വിനയ് ഒരുക്കിയ ആനന്ദ് ശ്രീബാല ഇന്ന് പ്രേക്ഷകരുടെ മുന്നിലെത്തും. ചിത്രത്തിന്റെ കേരളാ തീയേറ്റർ…
പ്രേക്ഷകരെ ആവേശം കൊള്ളിക്കുന്ന സിനിമകൾ നിർമ്മിച്ച് മലയാള സിനിമ നിർമ്മാണ മേഖലയിൽ ആധിപത്യം സ്ഥാപിച്ച നിർമ്മാണ കമ്പനിയാണ് കാവ്യ ഫിലിം…
This website uses cookies.