തെലുങ്കു സൂപ്പർ താരം അല്ലു അർജുനെ കേരളത്തിലെ ആരാധകർ വിളിക്കുന്നത് മല്ലു അർജുൻ എന്നാണ്. കാരണം അത്ര വലിയ ആരാധക വൃന്ദമാണ് ഈ താരത്തിന് കേരളത്തിൽ ഉള്ളത്. തെലുങ്കിൽ നിന്നുള്ള താരങ്ങളിൽ കേരളത്തിൽ ഏറ്റവും കൂടുതൽ മാർക്കറ്റ് ഉള്ളതും അല്ലു അർജുന് ആണ്. പല തവണ കേരളത്തിൽ വന്നിട്ടുള്ള അദ്ദേഹം കേരളത്തെ തന്റെ രണ്ടാം വീട് ആയാണ് വിശേഷിപ്പിക്കുന്നത്. അതുപോലെ തന്നെ അദ്ദേഹം പല തവണ എടുത്തു പറഞ്ഞിട്ടുള്ളത് ആണ് താനൊരു കടുത്ത മോഹൻലാൽ ഫാൻ ആണെന്ന കാര്യം. എല്ലാ നടന്മാരുടെ ചിത്രങ്ങളും താൻ കാണുകയും അഭിനന്ദിക്കുകയും ചെയ്യാറുണ്ട് എങ്കിലും താൻ ആരുടെ ആരാധകൻ ആണെന്ന് ചോദിച്ചാൽ മോഹൻലാൽ ഫാൻ എന്ന് പറയാൻ ആണ് ഇഷ്ടമെന്നും അദ്ദേഹം പറഞ്ഞിട്ടുണ്ട്. ഇപ്പോഴിതാ മോഹന്ലാലിനോടുള്ള തന്റെ ഇഷ്ടം ഒരിക്കൽ കൂടി ആവർത്തിച്ചിരിക്കുകായണ് അല്ലു അർജുൻ. തന്റെ കരിയറിലെ ഏറ്റവും വലിയ ചിത്രമായ പുഷപയുടെ റിലീസിനോട് അനുബന്ധിച്ചു കേരളത്തിൽ എത്തിയ അല്ലു അർജുൻ പറയുന്ന വാക്കുകൾ ഇപ്പോൾ വൈറൽ ആവുകയാണ്.
മോഹൻലാൽ സാറിനെ ഇഷ്ട്ടപ്പെടാത്ത ഒരു നടനും സൗത്ത് ഇന്ത്യൻ സിനിമയിൽ തന്നെ കാണില്ല എന്നും അദ്ദേഹത്തെ പോലെയുള്ള വലിയ നടന്മാരുടെ ചിത്രങ്ങൾ കണ്ടാണ് താനൊക്കെ വളർന്നത് എന്നും അദ്ദേഹം പറയുന്നു. അത്കൊണ്ട് അദ്ദേഹത്തോടുള്ള ഇഷ്ടം എന്നും ഉണ്ടാകുമെന്നും അല്ലു അർജുൻ പറയുന്നു. മലയാള നടൻ ഫഹദ് ഫാസിൽ ആണ് പുഷ്പയിൽ വില്ലനായി അഭിനയിച്ചിരിക്കുന്നത്. രണ്ടു ഭാഗങ്ങൾ ആയി ഒരുക്കുന്ന ഈ ചിത്രത്തിന്റെ ആദ്യ ഭാഗം ആണ് ഡിസംബർ പതിനേഴിന് അഞ്ചു ഭാഷകളിൽ ആയി റിലീസ് ചെയ്യുന്നത്. സുകുമാർ ഒരുക്കിയ ഈ ചിത്രത്തിൽ പുഷ്പ രാജ് എന്ന കഥാപാത്രമായി അല്ലു അർജുൻ എത്തുമ്പോൾ ഭൻവർ സിങ് ശെഖാവത് എന്ന ഐപിഎസ് ഓഫീസർ ആയാണ് ഫഹദ് ഫാസിൽ എത്തുന്നത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.