സത്യനാഥന്റെ ശബ്ദം മുഴങ്ങുന്ന മുംബൈ; മുംബൈ റാപ് ശ്രദ്ധ നേടുന്നു.

സൂപ്പർ ഹിറ്റ് സംവിധായകൻ റാഫി രചിച്ചു സംവിധാനം ചെയ്ത വോയ്‌സ് ഓഫ് സത്യനാഥൻ എന്ന ദിലീപ് ചിത്രം സൂപ്പർ വിജയം നേടി മുന്നേറുകയാണ്. ജനപ്രിയ നായകൻ ദിലീപിന്റെ ഗംഭീര പ്രകടനം തന്നെയാണ് ഈ കംപ്ലീറ്റ് ഫാമിലി എന്റെർറ്റൈനെർ ചിത്രത്തിന്റെ ഏറ്റവും വലിയ ഹൈലൈറ്റ്. ആദ്യം മുതൽ അവസാനം വരെ പ്രേക്ഷകന് ചിരിയുടെ പൂത്തിരികൾ സമ്മാനിക്കുന്ന ഈ ചിത്രം എല്ലാത്തരം പ്രേക്ഷകരേയും ഒരുപോലെ ആകർഷിക്കുന്ന ഒന്ന് കൂടിയാണ്. ദിലീപിനൊപ്പം ജോജു ജോർജ്, സിദ്ദിഖ്, ജോണി ആന്റണി, വീണ നന്ദകുമാർ, രമേശ് പിഷാരടി, ജഗപതി ബാബു എന്നിവരും ഈ ചിത്രത്തിന്റെ താരനിരയിൽ തിളങ്ങുന്നുണ്ട്. ഇപ്പോഴിതാ വോയ്‌സ് ഓഫ് സത്യനാഥന്റെ ഒരു സ്നീക്ക് പീക്ക് വീഡിയോ പുറത്തു വിട്ടിരിക്കുകയാണ് അണിയറ പ്രവർത്തകർ.

ഈ ചിത്രത്തിലെ നിർണ്ണായകമായ ഒരു ഭാഗമാണ് മുംബൈ നഗരത്തിലെത്തുന്ന സത്യനാഥൻ. ആ ഭാഗത്തു നിന്നുള്ള ഒരു രംഗമാണ് റാപ് സംഗീതത്തിന്റെ അകമ്പടിയോടെ റിലീസ് ചെയ്തിരിക്കുന്നത്. മുംബൈ റാപ് എന്ന ടൈറ്റിലോടെയാണ് ഈ വീഡിയോ വന്നിരിക്കുന്നത്. അങ്കിത് മേനോൻ സംഗീതം നൽകിയ ഈ ഗാനം രചിച്ചതും ആലപിച്ചതും സുശാന്ത് സുധാകരനാണ്. ബാദുഷ സിനിമാസ്, ഗ്രാൻഡ് പ്രൊഡക്ഷൻസ്, പെൻ ആൻഡ് പേപ്പർ ക്രിയേഷൻസ് എന്നിവയുടെ ബാനറിൽ ബാദുഷ, ദിലീപ്, ഷിനോയ് മാത്യു, രാജൻ ചിറയിൽ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ഷമീർ മുഹമ്മദാണ്. ആദ്യ വീക്കെൻഡിൽ ആറര കോടിയോളം ഗ്രോസ് നേടിയ വോയ്‌സ് ഓഫ് സത്യനാഥൻ ബ്ലോക്ക്ബസ്റ്റർ വിജയത്തിലേക്കാണ് കുതിക്കുന്നത്.

https://youtu.be/LhAX2tO0uKY