കക്ഷി അമ്മിണിപ്പിള്ള എന്ന ആസിഫ് അലി ചിത്രം ഈ വരുന്ന ഈദിനു തീയേറുകളിൽ എത്തുകയാണ്. ഈ ചിത്രത്തിന്റെ പോസ്റ്ററുകളും ഇതിലെ ഗാനങ്ങളും എല്ലാം ഇതിനോടകം സൂപ്പർ ഹിറ്റ് ആയി കഴിഞ്ഞു. ഇപ്പോഴിതാ ഇതിലെ ചന്തം തികഞ്ഞൊരു പെണ്ണേ എന്ന ഗാനം ആലപിച്ചു സോഷ്യൽ മീഡിയയുടെ ശ്രദ്ധ നേടിയെടുക്കുകയാണ് പ്രശസ്ത മിമിക്രി കലാകാരനും ടെലിവിഷൻ താരവുമായ സുധീർ പറവൂർ. ഒട്ടേറെ കോമഡി പ്രോഗ്രാമുകളിലൂടെ പ്രേക്ഷകരുടെ പ്രിയ താരമായ സുധീർ പറവൂരിന്റെ ഒരു കിടിലൻ കോമഡി വീഡിയോ കുറച്ചു നാൾ മുൻപ് സോഷ്യൽ മീഡിയയിൽ ഏറെ വൈറൽ ആയിരുന്നു. ഫ്ളവേഴ്സ് ചാനലിലെ നാടോടിക്കാറ്റ് എന്ന എന്ന പരിപാടിയിൽ ഉല്ലാസ് പന്തളത്തിനും ദേവി ചന്ദനക്കും ഒപ്പം അവതരിപ്പിച്ച ആ സ്കിറ്റ് ഇന്നും ഏറെ പോപ്പുലർ ആണ്.
ആ സ്കിറ്റിൽ വളരെ രസകരമായി ഗാനം ആലപിച്ച സുധീർ ഏറെ കയ്യടി നേടിയെടുത്തിരുന്നു. ആ പ്രകടനം കണ്ടിട്ടാണ് സുധീറിനെ ഈ ചിത്രത്തിലേക്ക് പാട്ടു പാടി അഭിനയിക്കാൻ ക്ഷണിച്ചത്. സ്നേഹചന്ദ്രൻ ഏഴിക്കര രചനയും സംഗീത സംവിധാനവും നിർവഹിച്ച ഈ ഗാനം ഇപ്പോൾ പ്രേക്ഷകർ ഏറ്റെടുത്തു കഴിഞ്ഞു. നവാഗതനായ ദിൻജിത് അയ്യത്താൻ സംവിധാനം ചെയ്ത ഈ ചിത്രം രചിച്ചിരിക്കുന്നത് സനിലേഷ് ശിവൻ ആണ്. സാറാ ഫിലിമ്സിന്റെ ബാനറിൽ റിജു രാജൻ ആണ് ഈ ചിത്രം നിർമ്മിച്ചിരിക്കുന്നത്. അരുൺ മുരളീധരൻ, സാമുവൽ എബി എന്നിവരും ഗാനങ്ങൾക്ക് ഈണം പകർന്നിരിക്കുന്നു ഈ ചിത്രത്തിന്റെ പശ്ചാത്തല സംഗീതം ഒരുക്കിയത് ജേക്സ് ബിജോയ് ആണ്. സൂരജ് ഇ എസ് എഡിറ്റ് ചെയ്തിരിക്കുന്ന കക്ഷി അമ്മിണിപ്പിള്ളക്ക് വേണ്ടി ദൃശ്യങ്ങൾ ഒരുക്കിയത് ബാഹുൽ രമേശ് ആണ്.
രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി' എന്ന ചിത്രം…
ജനസേന പാർട്ടി അധ്യക്ഷനും ആന്ധ്രാപ്രദേശ് ഉപമുഖ്യമന്ത്രിയുമായ ശ്രീ പവൻ കല്യാൺ തിരുപ്പതിയിൽ പൊതുയോഗത്തിൽ ജനങ്ങളെ അഭിസംബോധനം ചെയ്യുന്ന ലൈവ് വീഡിയോ…
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
This website uses cookies.