നിവിൻ പോളിയെ നായകനാക്കി നവാഗതനായ ലിജു കൃഷ്ണ ഒരുക്കിയ പടവെട്ട് ഇപ്പോൾ മികച്ച പ്രതികരണം നേടി തീയേറ്ററുകളിൽ പ്രദർശനം തുടരുകയാണ്. സംവിധായകൻ തന്നെ രചിച്ച ഈ ചിത്രം കലാമൂല്യമുള്ളതും അതേ സമയം പ്രേക്ഷകർക്ക് ഏറെ വിനോദം പകരുന്നതുമായ ചിത്രമാണ്. ഈ ചിത്രം നേടിയ വിജയത്തിന്റെ സന്തോഷം പങ്ക് വെച്ച് കൊണ്ട് ഇതിന്റെ പുത്തൻ ട്രെയ്ലർ പങ്ക് വെച്ചിരിക്കുകയാണ് നിവിൻ പോളി. കോറോത്ത് രവി എന്ന കഥാപാത്രത്തിനാണ് ഇതിൽ നിവിൻ ജീവൻ പകരുന്നത്. കുയ്യാലി എന്ന ഷമ്മി തിലകൻ കഥാപാത്രവും അയാളുടെ പാർട്ടിയും നടത്തുന്ന ചില ഇടപെടൽ മൂലം വക രവി എന്ന ഇരട്ട പേരും പേറേണ്ടി വരുന്ന നിവിൻ കഥാപാത്രം നടത്തുന്ന പോരാട്ടമാണ് ഈ ചിത്രം നമ്മുക്ക് കാണിച്ചു തരുന്നത്.
മണ്ണിന്റെ രാഷ്ട്രീയവും മലയോര കർഷകരുടെ ജീവിതവുമെല്ലാം ചർച്ച ചെയ്യുന്ന ഈ ചിത്രം നിവിൻ പോളിയുടെ കരിയറിലെ തന്നെ മികച്ച ചിത്രങ്ങളിൽ ഒന്നാണ്. യുവ താരം സണ്ണി വെയ്ന്റെ സണ്ണി വെയ്ൻ പ്രൊഡക്ഷൻസ്, യോഡ്ലീ ഫിലിംസ് എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. രമ്യ സുരേഷ്, അദിതി ബാലൻ, ഷൈൻ ടോം ചാക്കോ, ഇന്ദ്രൻസ്, വിജയരാഘവൻ, കൈനകിരി തങ്കരാജ്, ബാലൻ പാറക്കൽ, സുധീഷ്, ജാഫർ ഇടുക്കി എന്നിവരും വേഷമിട്ട ഈ ചിത്രത്തിന്റെ ഏറ്റവും വലിയ മികവുകളൊന്ന് ഗോവിന്ദ് വസന്ത ഒരുക്കിയ സംഗീതമാണ്. ഇപ്പോൾ പുറത്ത് വന്നിരിക്കുന്ന പുതിയ ട്രെയ്ലറിലുമുള്ള അദ്ദേഹത്തിന്റെ പശ്ചാത്തല സംഗീതം വലിയ ശ്രദ്ധയാണ് നേടുന്നത്. ദീപക് ഡി മേനോനാണ് ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.