യുവ താരം ദുൽകർ സൽമാൻ നായകനായി എത്തുന്ന ഏറ്റവും പുതിയ തമിഴ് ചിത്രമാണ് ഹേ സിനാമിക. മദൻ കർക്കി രചിച്ചു, പ്രശസ്ത നൃത്ത സംവിധായിക ആയ ബ്രിന്ദ മാസ്റ്റർ സംവിധാനം ചെയ്ത ചിത്രമാണ് ഇത്. ഈ വരുന്ന ഫെബ്രുവരി 25 നു ആണ് ഹേ സിനാമിക തീയേറ്ററുകളിൽ എത്തുക എന്നാണ് പ്രഖ്യാപിച്ചിരിക്കുന്നത്. ഇതിനോടകം ഈ ചിത്രത്തിന്റെ പോസ്റ്ററുകൾ, അതുപോലെ ദുൽകർ പാടിയ ഒരു ഗാനം എന്നിവ സൂപ്പർ ഹിറ്റുകളാണ്. തമിഴ് യുവ താരം ശിവകാർത്തികേയനും മോളിവുഡിലെ യുവ സൂപ്പർ താരം പൃഥ്വിരാജ് സുകുമാരനും ചേർന്നാണ് ദുൽകർ പാടിയ ഗാനം റിലീസ് ചെയ്തത്. അച്ചമില്ലൈ എന്ന ആ ഗാനം, ഈ ചിത്രത്തിന് തിരക്കഥ രചിച്ച മദൻ കർക്കി തന്നെയാണ് രചിച്ചിരിക്കുന്നത്. ഗോവിന്ദ് വസന്ത ആണ് ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നത്. ഇപ്പോഴിതാ ഇതിലെ തോഴി എന്ന അടുത്ത ഗാനം എത്തുകയാണ്.
ജനുവരി ഇരുപത്തിയേഴിനു ആണ് ഈ ഗാനം റിലീസ് ചെയ്യുക. ദുൽകർ, കാജൽ അഗർവാൾ എന്നിവർ പ്രത്യക്ഷപ്പെടുന്ന ഈ ഗാനത്തിന്റെ ടീസർ ഇന്ന് വൈകുന്നേരം ആറു മണിക്കാണ് റിലീസ് ചെയ്തിരിക്കുന്നത്. മദൻ കർക്കി തന്നെയാണ് ഈ ഗാനത്തിനും വരികൾ രചിച്ചിരിക്കുന്നത്. ഒരു റൊമാന്റിക് കോമഡി ചിത്രമായി ഒരുക്കിയ ഹേ സിനാമിക ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോയും ചേർന്നാണ് നിർമ്മിച്ചിരിക്കുന്നത്. കാജൽ അഗർവാൾ, അദിതി റാവു എന്നിവർ നായികാ വേഷങ്ങൾ ചെയ്യുന്ന ഈ ചിത്രത്തിൽ ശ്യാം പ്രസാദും ഒരു പ്രധാന വേഷം ചെയ്യുന്നു. ദുൽഖറിന്റെ മുപ്പത്തിമൂന്നാമതു ചിത്രമായ ഹേ സിനാമികക്ക് വേണ്ടി കാമറ ചലിപ്പിച്ചത് പ്രീത ജയരാമനും ഈ ചിത്രം എഡിറ്റ് ചെയ്തിരിക്കുന്നത് രാധ ശ്രീധറുമാണ്.
https://fb.watch/aLGS7CT3Jl/
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.