അൻപത്തിയൊന്നാം വയസ്സിലും ഗ്ലാമറസ് ലുക്കിൽ ഞെട്ടിച്ച് രമ്യ കൃഷ്ണൻ; വീഡിയോ കാണാം

ഇന്ന് ഇന്ത്യൻ സിനിമയിലെ ഏറ്റവും ജനപ്രീതിയുള്ള നടിമാരിലൊരാളാണ് രമ്യ കൃഷ്ണൻ. ഒരുകാലത്തു തെന്നിന്ത്യൻ സിനിമയിലെ സൂപ്പർ നായികാ താരമായി തിളങ്ങിയ രമ്യ കൃഷ്ണൻ, തമിഴ്, മലയാളം, തെലുങ്ക്, കന്നഡ, ഹിന്ദി ഭാഷകളിലൊക്കെ അഭിനയിച്ചു ശ്രദ്ധ നേടിയ താരമാണ്. അതിനു ശേഷം സഹനടിയായും സ്വഭാവ നടിയായും അമ്മ വേഷങ്ങളിലും ശ്കതമായ കഥാപാത്രങ്ങളെ അവതരിപ്പിച്ചു കയ്യടി നേടിയ ഈ താരത്തിന്റെ ലെവൽ മാറ്റിയത് എസ് എസ് രാജമൗലി ഒരുക്കിയ ബാഹുബലി സീരീസിലെ ശിവഗാമി എന്ന രാജ്ഞിയുടെ വേഷമാണ്. അതിനു ശേഷം ഒട്ടേറെ വമ്പൻ ചിത്രങ്ങളിലെ വമ്പൻ കഥാപാത്രങ്ങളാണ് ഈ നടിയെ തേടിയെത്തിയത്. അൻപത്തിയൊന്നാം വയസ്സിലും തന്റെ ശരീര സൗന്ദര്യവും സ്റ്റൈലും ഫാഷൻ സെൻസും കാത്തു സൂക്ഷിക്കുന്ന നടി കൂടിയാണ് രമ്യ കൃഷ്ണൻ.

https://youtube.com/shorts/XGSauj8W55E

ഇപ്പോഴിതാ സാരിയിൽ ഗ്ലാമറസ് ലുക്കിൽ എത്തിയിരിക്കുന്ന രമ്യ കൃഷ്ണന്റെ ഒരു പുതിയ വീഡിയോ സോഷ്യൽ മീഡിയയിൽ വൈറലായി മാറുകയാണ്. നേർത്ത തുണികൊണ്ടുള്ള സാരിയുടുത്ത്, ആരാധകരെ ത്രസിപ്പിക്കുന്ന ഗ്ലാമറുമായാണ് ഈ വീഡിയോയിൽ രമ്യ കൃഷ്ണനെ കാണാൻ സാധിക്കുന്നത്. ഇപ്പോൾ സൂപ്പർ സ്റ്റാർ രജനികാന്ത് നായകനായ ജയിലർ എന്ന ചിത്രത്തിൽ നിർണ്ണായക വേഷം ചെയ്യന്ന രമ്യ കൃഷ്ണൻ അതിന്റെ ഷൂട്ടുമായി ബന്ധപെട്ടു ചെന്നൈയിലാണ്. സിനിമ കൂടാതെ ടെലിവിഷൻ ഷോകളിലും വെബ് സീരീസിലും പ്രത്യക്ഷപ്പെട്ട് കയ്യടി നേടിയിട്ടുള്ള താരമാണ് രമ്യ കൃഷ്ണൻ. ഏതായാലും ഈ പ്രായത്തിലും ആരാധകരെ തന്റെ അഭിനയ മികവ് കൊണ്ടും ഉടയാത്ത സൗന്ദര്യം കൊണ്ടും രോമാഞ്ചം കൊള്ളിച്ചു കൊണ്ടിരിക്കുകയാണീ നടി എന്ന് ഒട്ടും അതിശയോക്തിയില്ലാതെ തന്നെ പറയാം.