മനസ്സ് കീഴടക്കിയ പൊട്ടു തൊട്ട പൗർണമി; ഹൃദയത്തിലെ ഏറ്റവും പുതിയ ഗാനമെത്തി; വീഡിയോ കാണാം..!

ബ്ലോക്ക്ബസ്റ്റർ വിജയം നേടി കേരളത്തിൽ ട്രെൻഡ് സെറ്റർ ആയി കുതിക്കുകയാണ് പ്രണവ് മോഹൻലാൽ നായകനായ ഹൃദയം എന്ന ചിത്രം. വിനീത് ശ്രീനിവാസൻ രചിച്ചു സംവിധാനം ചെയ്ത ഈ ചിത്രം അമ്പതു കോടി ക്ലബിലേക്കാണ് ഇപ്പോൾ കുതിക്കുന്നത്‌. വിനീത് ശ്രീനിവാസന്റെ തിരക്കഥയും സംവിധാനവും, പ്രണവ് മോഹൻലാൽ നടത്തിയ ഗംഭീര പ്രകടനം, ഹിഷാം അബ്ദുൽ വഹാബ് ഈണം നൽകിയ ഗാനങ്ങൾ എന്നിവയാണ് ഈ ചിത്രത്തിന്റെ ഹൈലൈറ്റുകൾ. ഒപ്പം കല്യാണി പ്രിയദർശൻ, ദർശന രാജേന്ദ്രൻ, അശ്വത് ലാൽ, കലേഷ് രാമാനന്ദ്, ജോണി ആന്റണി, വിജയ രാഘവൻ, അജു വർഗീസ്, ഒട്ടേറെ പുതുമുഖങ്ങൾ എന്നിവർ നടത്തിയ മികച്ച പ്രകടനവും ഈ ചിത്രത്തിന്റെ ശ്കതി ആയി മാറി. പതിനഞ്ചു പാട്ടുകൾ ഉള്ള ഈ ചിത്രത്തിലെ ആ പതിനഞ്ചു പാട്ടുകളും സൂപ്പർ ഹിറ്റാവുക എന്ന അപൂർവതയും ഈ ചിത്രത്തിന് ഗുണമായി വന്നു.

ഇപ്പോഴിതാ ഈ ചിത്രത്തിലെ ഒരു സൂപ്പർ ഹിറ്റ് പാട്ടായ പൊട്ടു തൊട്ട പൗർണമിയുടെ വീഡിയോ റിലീസ് ചെയ്തിരിക്കുകയാണ്. പ്രണവ് മോഹൻലാൽ – കല്യാണി പ്രിയദർശൻ എന്നിവരാണ് ഇതിൽ അഭിനയിച്ചിരിക്കുന്നത്. സച്ചിൻ ബാലു, മേഘ ജോസ് കുട്ടി എന്നിവർ ചേർന്ന് ആലപിച്ചിരിക്കുന്നു ഈ ഗാനത്തിന് വരികൾ രചിച്ചത് കൈതപ്രം ദാമോദരൻ നമ്പൂതിരിപ്പാടാണ്. വിശ്വജിത് ഒരുക്കിയ മനോഹരമായ ദൃശ്യങ്ങളും അതുപോലെ രഞ്ജൻ അബ്രഹാമിന്റെ എഡിറ്റിംഗും ഈ ചിത്രത്തെ മനോഹരമാക്കുന്നതിൽ വലിയ പങ്കാണ് വഹിച്ചത്. മെരിലാൻഡ് സിനിമാസിന്റെ ബാനറിൽ വിശാഖ് സുബ്രമണ്യം ആണ് ഈ ചിത്രം നിർമ്മിച്ചിരിക്കുന്നത്. വിനീത് ശ്രീനിവാസന്റെ കരിയറിലെ തന്നെ ഏറ്റവും വലിയ ഹിറ്റാണ് ഇപ്പോൾ ഹൃദയം എന്ന ചിത്രം.