കിടിലൻ മേക്കോവറിൽ മീര ജാസ്മിൻ; ഗ്ലാമർ ചിത്രങ്ങൾ പങ്കു വെച്ചു താരം..!

പ്രശസ്ത മലയാള നടി മീര ജാസ്മിൻ ഈ അടുത്തിടെയാണ് ഇൻസ്റ്റാഗ്രാമിൽ ഒഫീഷ്യൽ ആയി വന്നത്. അതിനു ശേഷം തന്റെ പുതിയ ചിത്രങ്ങളും വീഡിയോകളും ആയി വളരെയധികം സജീവമാണ് ഈ നടി. മീര ജാസ്മിൻ പങ്കു വെക്കുന്ന ചിത്രങ്ങളും വീഡിയോകളും വലിയ രീതിയിൽ ആണ് ശ്രദ്ധ നേടുന്നതും. ഇപ്പോഴിതാ തന്റെ പുത്തൻ മേക് ഓവർ ചിത്രങ്ങൾ പങ്കു വെച്ചിരിക്കുകയാണ് ഈ താരം. ഗ്ലാമറസ് ലുക്കിൽ പ്രത്യക്ഷപ്പെട്ടിരിക്കുന്ന ഈ മീര ജാസ്മിൻ ചിത്രങ്ങൾ ഇപ്പോൾ സോഷ്യൽ മീഡിയയിൽ വമ്പൻ പ്രചാരമാണ് നേടുന്നത്. യഥാർത്ഥ ലേഡി സൂപ്പർ സ്റ്റാർ മീരയാണ് എന്ന മട്ടിലുള്ള കമന്റുകൾ വരെ മീര പങ്കു വെക്കുന്ന പോസ്റ്റുകൾക്ക് ആരാധകരിൽ നിന്നും ലഭിക്കാറുണ്ട്. മലയാളത്തിലെ മികച്ച നടിമാരിൽ ഒരാളായ അറിയപ്പെടുന്ന മീര ദേശീയ അവാർഡ് ജേതാവ് കൂടിയാണ്. ഒരിടവേളക്ക് ശേഷമാണു മീര ജാസ്മിൻ മലയാള സിനിമയിൽ സജീവമാകുന്നത്.

സത്യൻ അന്തിക്കാട് ഒരുക്കിയ ജയറാം ചിത്രത്തിലൂടെയാണ് മീര തന്റെ മടങ്ങി വരവ് നടത്തുന്നത്. ഇത് കൂടാതെ മറ്റു ഭാഷാ ചിത്രങ്ങളും മീര കമ്മിറ്റ് ചെയ്തിട്ടുണ്ട് എന്നാണ് റിപ്പോർട്ടുകൾ പറയുന്നത്. ഏതായാലും തന്റെ മടങ്ങി വരവ് പൂർണ്ണമായും ആസ്വദിക്കുകയും ആഘോഷിക്കുകയുമാണ് മീര എന്നത്, അവർ പങ്കു വെക്കുന്ന ചിത്രങ്ങളും വീഡിയോകളും നമ്മുക്ക് കാണിച്ചു തരുന്നുണ്ട്. ലോഹിതദാസ് ഒരുക്കിയ സൂത്രധാരൻ എന്ന ചിത്രത്തിൽ ദിലീപിന്റെ നായികയായി അരങ്ങേറ്റം കുറിച്ച മീര. ഒരുപിടി ഗംഭീര ചിത്രങ്ങളാണ് നായികയായി നമ്മുക്ക് സമ്മാനിച്ചത്. മോഹൻലാൽ, മമ്മൂട്ടി, ദിലീപ്, ജയറാം, പൃഥ്വിരാജ് തുടങ്ങി മലയാളത്തിലെ എല്ലാ സൂപ്പർ താരങ്ങളുടേയും നായികയായി മീര അഭിനയിച്ചിട്ടുണ്ട്. ഇത് കൂടാതെ അന്യ ഭാഷാ ചിത്രങ്ങളിലും അഭിനയിച്ചു തിളങ്ങിയിട്ടുള്ള നടിയാണ് മീര.

ഫോട്ടോ കടപ്പാട്: Rahul Jhangiani