കുഞ്ചാക്കോ ബോബനും പ്രശസ്ത തമിഴ് നടൻ അരവിന്ദ് സ്വാമിയും പ്രധാന വേഷങ്ങളിൽ എത്തുന്ന ചിത്രമാണ് ഒറ്റ്. രണ്ടകം എന്ന പേരിൽ തമിഴിലും റിലീസ് ചെയ്യാൻ പോകുന്ന ഈ ചിത്രത്തിലെ ആദ്യ വീഡിയോ ഗാനം ഇന്ന് റിലീസ് ചെയ്തു. ഒരേ നോക്കിൽ എന്ന വരികളോടെ തുടങ്ങുന്ന ഈ ഗാനം രചിച്ചിരിക്കുന്നത് വിനായക് ശശികുമാർ ആണ്. എ എച് കാഷിഫ് ഈണം പകർന്നിരിക്കുന്നു ഈ ഗാനം ആലപിച്ചിരിക്കുന്നത് ശ്വേതാ മോഹൻ ആണ്. കുഞ്ചാക്കോ ബോബനും നായികയായ ഈഷ റെബയും തമ്മിലുള്ള പ്രണയ രംഗങ്ങൾ ആണ് ഈ ഗാനത്തിലൂടെ കാണിച്ചിരിക്കുന്നത്. കഴിഞ്ഞ വർഷം റിലീസ് ചെയ്ത ഭീമന്റെ വഴി എന്ന ചിത്രത്തിന് ശേഷം ഒരിക്കൽ കൂടി കുഞ്ചാക്കോ ബോബൻ ഓൺസ്ക്രീനിൽ ചുംബിക്കുന്നതാണ് ഈ ഗാനത്തിന്റെ ഏറ്റവും വലിയ ഹൈലൈറ്റ് എന്നാണ് സോഷ്യൽ മീഡിയ പറയുന്നത്. തീവണ്ടി എന്ന ടോവിനോ തോമസ് നായകനായ സിനിമയിലൂടെ ശ്രദ്ധ നേടിയ ടി.പി ഫെല്ലിനി ഒരുക്കിയ ഈ ചിത്രത്തിലൂടെ കുഞ്ചാക്കോ ബോബൻ ആദ്യമായി തമിഴിൽ അഭിനയിച്ചിരിക്കുകയാണ് എന്നതും ഇതിന്റെ പ്രത്യേകതയാണ്.
ഇരുപത്തിയഞ്ച് വര്ഷങ്ങളുടെ ഇടവേളയ്ക്ക് ശേഷമാണ് അരവിന്ദ് സ്വാമി മലയാള സിനിമയില് അഭിനയിക്കുന്നത് എന്നതും ഈ ചിത്രം കൊണ്ട് വരുന്ന പ്രത്യേകതകളിൽ ഒന്നാണ്. ഭരതൻ സംവിധാനം ചെയ്ത് 1996ല് പ്രദര്ശനത്തിനെത്തിയ ദേവരാഗമാണ് അരവിന്ദ് സ്വാമി ഒടുവിലായി അഭിനയിച്ച മലയാള ചിത്രം. ദി ഷോ പീപ്പിള് ന്റെ ബാനറില് തമിഴ് താരം ആര്യയും ഓഗസ്റ്റ് സിനിമാസിന്റെ ബാനറില് ഷാജി നടേശനും ചേര്ന്നാണ് ഒറ്റ് എന്ന ഈ ചിത്രം നിർമ്മിച്ചിരിക്കുന്നത്. ഈ ചിത്രത്തിന് കാമറ ചലിപ്പിച്ചത് വിജയ്, എഡിറ്റ് ചെയ്തത് അപ്പു എൻ ഭട്ടതിരി എന്നിവരാണ്. ഒരു മാസ്സ് ത്രില്ലർ ആയി ഒരുക്കിയ ഈ ചിത്രം രചിച്ചത് എസ്. സജീവാണ്.
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
This website uses cookies.