നിവിൻ പോളി ചിത്രം ഞണ്ടുകളുടെ നാട്ടിൽ ഒരിടവേളയുടെ ടീസർ എത്തി..

നിവിൻ പോളി നായകനാകുന്ന ഞണ്ടുകളുടെ നാട്ടിൽ ഒരിടവേള എന്ന ചിത്രത്തിന്റെ ടീസർ പുറത്തിറങ്ങി. പ്രേമം, സഖാവ് എന്നീ സിനിമകളിൽ നിവിൻ പോളിക്ക് ഒപ്പം അഭിനയിച്ച അൽത്താഫ് ആണ് ഈ ചിത്രം സംവിധാനം ചെയ്യുന്നത്.

ഫാമിലി കോമഡി എന്റർടൈനർ ആയി ഒരുങ്ങുന്ന സിനിമ ഓണക്കാലത്തു തിയേറ്ററുകളിൽ എത്തും.

നിവിൻ പോളിക്ക് ഒപ്പം പുതുമുഖം ഐശ്വര്യ ലക്ഷ്‌മി, അഹാന കൃഷ്ണ, ലാൽ, ശാന്തി കൃഷ്ണ, സിജു വിത്സൺ, ദിലീഷ് പോത്തൻ തുടങ്ങിയ താരങ്ങളും ഈ ചിത്രത്തിൽ പ്രധാന വേഷത്തിൽ എത്തുന്നു.

നിവിൻ പോളിയുടെ തന്നെ നിർമ്മാണ കമ്പനിയായ പോളി ജൂനിയർ പിക്‌ചേഴ്‌സ് നിർമ്മിക്കുന്ന ചിത്രം ഇ ഫോർ എന്റർടൈന്മെന്റ്സും സ്റ്റുഡിയോ 11വനും ചേർന്നാണ് തിയേറ്ററിൽ എത്തിക്കുന്നത്.