Neerali Movie Kannane Kannalane Song
മോഹൻലാലിനെ നായകനാക്കി അജോയ് വർമ്മ സംവിധാനം ചെയ്ത ചിത്രമാണ് ‘നീരാളി’. വർഷങ്ങൾക്ക് ശേഷം നാദിയ മൊയ്ദു- മോഹൻലാൽ ഒന്നിക്കുന്ന ചിത്രം കൂടിയാണിത്. ചിത്രത്തിന്റെ പോസ്റ്ററുകളും ടീസറും പ്രേക്ഷകരുടെ ഇടയിൽ ശ്രദ്ധ പിടിച്ചുപറ്റി. ചിത്രത്തിന് വേണ്ടി സംഗീതം ഒരുക്കിയിരിക്കുന്നത് സ്റ്റീഫൻ ദേവസ്സിയാണ്. മോഹൻലാലും- ശ്രേയ ഘോഷലും ചേർന്ന് ആലപിച്ച ‘അഴകേ അഴകേ’ എന്ന് തുടങ്ങുന്ന മെലഡി ഗാനം പ്രേക്ഷകർ ഇരുകൈയും നീട്ടിസ്വീകരിച്ചു, എന്നാൽ രണ്ടാമത്തെ ഗാനം അതിലും മികച്ചതായിരുന്നു. വിജയ് യേശുദാസ് ആലപിച്ച ‘നീരാളി പിടിത്തം’ എന്ന് തുടങ്ങുന്ന ഗാനം സോഷ്യൽ മീഡിയയിൽ തരംഗം സൃഷ്ട്ടിച്ചു. സിനിമ പ്രേമികൾ എല്ലാവരും ഉറ്റു നോക്കിയിരുന്നത് മൂന്നാമത്തെ ഗാനത്തിന് വേണ്ടിയായിരുന്നു.
കാത്തിരിപിന് വിരാമമെന്നപ്പോലെ മോഹൻലാൽ തന്റെ ഫേസ്ബുക്ക് പേജിലൂടെ ഗാനം പുറത്തുവിട്ടു. വളരെ ചുരുങ്ങിയ സമയംകൊണ്ട് കാട്ട് തീ പോലെ ഗാനം എങ്ങും വ്യാപിച്ചു എന്ന് തന്നെ വിശേഷിപ്പിക്കാം. ‘നീരാളി’ സിനിമയുടെ രണ്ടാമത്തെ വീഡിയോ സോങ് കൂടിയാണിത്. എം. ജി ശ്രീകുമാർ, ശ്യാം പ്രസാദ്, സുരാജ് വെഞ്ഞാറമൂട് എന്നിവർ ചേർന്ന് ആലപിച്ച ഗാനമാണ് പുറത്തിറങ്ങിയത്. ‘കണ്ണാനെ കണ്ണലാനെ’ എന്ന് തുടങ്ങുന്ന ഈ ഗാനം ഈ വർഷത്തെ ഹിറ്റ് ചാർട്ടിൽ ഇടം പിടിക്കും എന്ന കാര്യത്തിൽ ഉറപ്പാണ്. റെക്കോഡിങ് സ്റ്റുഡിയോയിലെ വീഡിയോയാണ് നീരാളി ടീം പുറത്തു വിട്ടിരിക്കുന്നത്. ഓരോ ഗാനങ്ങളും ചിത്രത്തിന് പ്രതീക്ഷ കൂട്ടുകയാണ്.
സാജു തോമസാണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്. നാസർ, ദിലീഷ് പോത്തൻ, പാർവതി നായർ, സുരാജ് വെഞ്ഞാറമൂട് തുടങ്ങിയവർ ചിത്രത്തിൽ പ്രധാന വേഷത്തിലെത്തുന്നുണ്ട്. സന്തോഷ് തുണ്ടിയിലാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് വർക്കുകൾ സംവിധായകൻ അജോയ് വർമ്മയും സജിത് ഉണ്ണികൃഷ്ണനും ചേർന്നാണ് പൂർത്തിയാക്കിയത്. മൂൺഷോട്ട് എന്റർടൈന്മെന്റ്സിന്റെ ബാനറിൽ സന്തോഷ് ടി. കുരുവിള നിർമ്മിക്കുന്ന ഈ ചിത്രം ജൂലൈ 12 നെ വമ്പൻ റീലീസോട് കൂടി പ്രദർശനത്തിനെത്തും.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.