‘ഒരു അഡാറ് ലവ്’ നായിക പ്രിയ വാര്യരുടെ മഞ്ചിന്റെ പരസ്യം പിൻവലിച്ചു..

ഒമർ ലുലു സംവിധാനം ചെയ്ത ‘ഒരു അഡാറ് ലവ്’ എന്ന ചിത്രത്തിലൂടെ പ്രശസ്തി നേടിയ താരാമാണ് പ്രിയ വാര്യർ. വിനീത് ശ്രീനിവാസൻ ആലപിച്ച ‘മാണിക്യമലരായ പൂവി’ എന്ന് തുടങ്ങുന്ന ഗാനത്തിലൂടെയാണ് പ്രിയ ശ്രദ്ധ നേടിയത്. ഗാന രംഗത്തിൽ ചെറിയ ഒരു കണ്ണിറുക്കലിലൂടെയാണ് പ്രിയ ചുരുങ്ങിയ ദിവസം കൊണ്ട് നാഷണൽ ക്രഷായി മാറിയത്. ഇന്ത്യയിലും വിദേശ രാജ്യങ്ങളിലും തരംഗം സൃഷ്ട്ടിച്ച താരം ഇൻസ്റ്റാഗ്രാമിൽ റെക്കോർഡ് ഫൊള്ളവേർസിനെ നേടി, നിലവിൽ മലയാളത്തിൽ തന്നെ ഏറ്റവും അധികം ഫൊള്ളവർസുള്ള താരമാണ് പ്രിയ വാര്യർ.

പ്രിയ വാര്യരുടെ മഞ്ചിന്റെ പരസ്യം മിനി സ്ക്രീനിൽ ഏറെ ശ്രദ്ധ നേടിയ പരസ്യമായിരുന്നു. പല അഭിപ്രായങ്ങളും വിമർശനങ്ങളും മുന്നോട്ട് വന്നിരുന്നെങ്കിലും പരസ്യം മിനിസ്ക്രീനിൽ മലയാളം, തമിഴ്, ഹിന്ദി ഭാഷകളിലെ ചാനലുകളിൽ പ്രദർശനത്തിനെത്തിയിരുന്നു. എന്നാൽ ഇപ്പോൾ ലഭിക്കുന്ന റിപ്പോർട്ടുകൾക്ക് അനുസരിച്ചു മഞ്ചിന്റെ പരസ്യം പിൻവലിച്ചു എന്നാണ് അറിയാൻ സാധിച്ചത്. പ്രിയ വാര്യരുടെ പ്രകടനത്തിൽ നിർമ്മാതാക്കൾ ഒട്ടും തൃപ്‌തരല്ലാത്ത കാരണമാണ് ഇത്തരം ഒരു തീരുമാനം എടുത്തതന്ന് അടുത്ത റിപ്പോർട്ടുകൾ സൂചിപ്പിക്കുന്നത്. അഭിനയത്തിൽ പ്രിയ വളരെ മോശമാണെന്നും കണ്ണിറുക്കൽ മാത്രമാണ് ആകെയുള്ള പിടിവള്ളി എന്നാണ് നിർമ്മാതാക്കൾ വിലയിരുത്തന്നത്. ചെറിയ ഒരു പരസ്യത്തിന് വേണ്ടി കുറെയേറെ റീടേക്കുകൾ നടത്തിയിരുന്നുവെന്നും, എന്നാൽ ഒടുക്കം അതിന്റെ ഒരു ഫലവും ലഭിച്ചില്ല എന്നാണ് പരസ്യത്തിൽ ഭാഗമായ അണിയറ പ്രവർത്തകർ സൂചിപ്പിച്ചത്. മഞ്ചിന്റെ പരസ്യത്തിന് വേണ്ടി താരം 20 ലക്ഷം രൂപയാണ് പ്രതിഫലം വാങ്ങിയത്. ‘ഒരു അടാർ ലവ്’ എന്ന ചിത്രത്തിൽ ഭാഗമായ താരം, റിലീസിന് മുമ്പ് തന്നെ കുറെയേറെ പരസ്യങ്ങളിലും ഭാഗമായിട്ടുണ്ട്.