കപട സദാചാരവാദികൾക്കൊരു ‘ക്ലൈമാക്സ്’; വൈറലായി ഹ്രസ്വചിത്രം…!

ഒട്ടേറെ ഹൃസ്വ ചിത്രങ്ങൾ വലിയ രീതിയിൽ ചർച്ച ചെയ്യപ്പെടുന്ന ഒരു കാലഘട്ടമാണിത്. ആ കൂട്ടത്തിലേക്കു ഒരു ഹൃസ്വ ചിത്രം കൂടി എത്തിയിരിക്കുകയാണ്. ചർച്ച ചെയ്യുന്ന പ്രമേയത്തിന്റെ പേരിൽ ഏറെ ശ്രദ്ധ നേടുന്ന ഒരു പുതിയ ഹൃസ്വ ചിത്രമാണ് നങ്ങേലി. ആളുകളുടെ കപട സദാചാര ബോധത്തിനെ പരിഹസിക്കുന്ന സൃഷ്ടിയെന്ന നിലയിലാണ് നങ്ങേലി എന്ന ഈ ഹൃസ്വ ചിത്രം ഏറെ കയ്യടി നേടുന്നത്. പഴയകാലത്തെ കഥ പറയുന്ന ഈ ഹൃസ്വ ചിത്രം അതിന്റെ മേക്കിങ് നിലവാരം കൊണ്ടും പ്രേക്ഷകരുടെ ശ്രദ്ധ നേടിയെടുക്കുന്നുണ്ട്. വിദേശത്തുനിന്നും വരുന്ന യുവാവ് നങ്ങേലി എന്ന സ്ത്രീയിൽ ആകൃഷ്ടനാകുന്നതാണ് ഈ ഹൃസ്വ ചിത്രം നമ്മളോട് പറയുന്ന കഥ. മേക്കിങ്ങും പ്രമേയവും ശ്രദ്ധ നേടുന്നതിനൊപ്പം തന്നെ ഇതിന്റെ ക്ലൈമാക്‌സും വലിയ കയ്യടിയാണ് സോഷ്യൽ മീഡിയയിൽ നിന്ന് നേടിയെടുക്കുന്നത് എന്നത് എടുത്തു പറയേണ്ട വസ്തുതയാണ്.

സ്വാതി, സന്തോഷ് റാം, ഡോ. അബ്ദുള്ള, പ്രതീഷ് വാസുദേവ്, ഹരികൃഷ്ണൻ ഷാരു, മൗൻ കൃഷ്ണൻ എന്നിവർ അഭിനയിക്കുന്ന ഈ ചിത്രം രചിച്ചു സംവിധാനം ചെയ്തിരിക്കുന്നത് തക്കുടു നായർ ആണ്. മുബഷീർ ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന്റെ എഡിറ്റിങ്, സംഗീത സംവിധാനം എന്നിവ നിർവഹിച്ചിരിക്കുന്നതു യഥാക്രമം ആനന്ദ്, നിഖിൽ സാൻ എന്നിവരാണ്. മസാല കാപ്പി സീരിസിന്റെ ഭാഗമായി റിലീസ് ചെയ്തിരിക്കുന്ന നങ്ങേലി എന്ന ആദ്യ എപ്പിസോഡിന്റെ ടൈറ്റിൽ ടാഗ് ലൈൻ അവളുടെ അഴകിന്റെ ആഴം കണ്ടെത്തിയവൻ എന്നാണ്. ബോധി എന്ന യൂട്യൂബ് ചാനലിൽ ആണ് ഈ ഹൃസ്വ ചിത്രം റിലീസ് ചെയ്തിരിക്കുന്നത്. ഏകദേശം ആറ് ലക്ഷത്തോടടുത്തു വ്യൂസാണ് ഈ ഹൃസ്വ ചിത്രത്തിന് ഇതിനോടകം ലഭിച്ചിരിക്കുന്നത്.