സൂപ്പർ താരം മോഹൻലാലിനെ നായകനാക്കി മാസ്റ്റർ ഡയറക്ടർ പ്രിയദർശൻ ഒരുക്കാൻ പോകുന്ന അടുത്ത ചിത്രം ഒരു സ്പോർട്സ് മൂവി ആണ്. തന്റെ കരിയറിലെ 95 ഓളം വരുന്ന ചിത്രങ്ങളിൽ എല്ലാ വിഭാഗങ്ങളിലും വരുന്ന ചിത്രങ്ങൾ ഒരുക്കിയിട്ടുള്ള പ്രിയദർശൻ, ആദ്യമായാണ് ഒരു സ്പോർട്സ് ചിത്രം ഒരുക്കാൻ പോകുന്നത്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കാൻ പോകുന്ന ഈ ചിത്രത്തിൽ ഒരു ബോക്സിങ് താരമായാണ് മോഹൻലാൽ അഭിനയിക്കുന്നത്. ഒരു ബോക്സിങ് കോച്ചിന്റെ വേഷമാണ് മോഹൻലാൽ ഇതിൽ ചെയ്യുക എന്നുള്ള അനൗദ്യോഗികമായ വിവരങ്ങളാണ് ഇപ്പോൾ പുറത്തു വരുന്നത്. ഈ ചിത്രത്തിന് വേണ്ടി മോഹൻലാൽ ഇനിയുള്ള ഒരു വർഷം ബോക്സിങ് പഠിക്കും. അതിനു വേണ്ടി ബോക്സിങ് പരിശീലകനെ നിയമിച്ച മോഹൻലാൽ, രണ്ടാഴ്ച മുൻപ് ബോക്സിങ് പരിശീലനവും ആരംഭിച്ചു കഴിഞ്ഞിരുന്നു. അദ്ദേഹത്തിന്റെ ബോക്സിങ് പരിശീലത്തിന്റെ ചിത്രങ്ങൾ സോഷ്യൽ മീഡിയയിൽ തരംഗമായി മാറി. ഇപ്പോഴിതാ ആദ്യമായി മോഹൻലാൽ ബോക്സിങ് പരിശീലിക്കുന്നതിന്റെ വീഡിയോ പുറത്തു വന്നിരിക്കുകയാണ്.
തിരുവനന്തപുരം സ്വദേശിയായ പ്രേം നാഥ് ആണ് മോഹൻലാലിനെ ബോക്സിങ് പരിശീലിപ്പിക്കുന്നത്. പ്രശസ്ത ബോക്സിങ് കോച്ചായ പ്രേം നാഥിന്റെ കീഴിൽ ബോക്സിങ് അഭ്യസിക്കുന്ന മോഹൻലാലിന്റെ വീഡിയോ ഇപ്പോൾ സോഷ്യൽ മീഡിയയിൽ തരംഗമായി മാറുകയാണ്. സിനിമയിൽ എത്തുന്നതിനു മുൻപ് കേരളാ സംസ്ഥാന ഗുസ്തി ചാമ്പ്യൻ ആയിരുന്നു മോഹൻലാൽ. അതിനു ശേഷം സിനിമകൾക്ക് വേണ്ടി കളരി പയറ്റ്, കുങ്ഫു, കരാട്ടെ തുടങ്ങിയ മാർഷ്യൽ ആർട്സ് എന്നിവയും മോഹൻലാൽ അഭ്യസിച്ചിട്ടുണ്ട്. ടേയ്ക്വോണ്ടോയിൽ കൊറിയൻ ഗവണ്മെന്റിമെന്റ ഹോണററി ബ്ലാക്ക് ബെൽറ്റും നേടിയിട്ടുള്ള താരമാണ് അദ്ദേഹം. ഈ വരാൻ പോകുന്ന സ്പോർട്സ് ചിത്രത്തിന് മുൻപ് മോഹൻലാൽ- പ്രിയദർശൻ ടീമിന്റെ ബ്രഹ്മാണ്ഡ ചിത്രമായ മരക്കാർ പ്രദർശനത്തിനെത്തും.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.