സോഷ്യല്‍ മീഡിയയില്‍ ഹിറ്റായി കാപ്പുചീനോയിലെ “മിടുക്കി” ഗാനം

ഒരുകാലത്ത് മലയാള സിനിമയെ നൃത്ത ചുവടുകള്‍ കൊണ്ട് കോരി തരിപ്പിച്ച നടന്‍ ആയിരുന്നു ഡിസ്കോ രവീന്ദ്രന്‍. നടനായും എഴുത്തുകാരനായും ഡാന്‍സറായും കയ്യടി നേടിയ രവീന്ദ്രന്‍ ഒരു ഇടക്കാലം സിനിമയില്‍ നിന്നും മാറി നിന്നിരുന്നു. പിന്നീട് വര്‍ഷങ്ങള്‍ ശേഷം ചെറിയ ചെറിയ വേഷങ്ങളിലൂടെ വീണ്ടും മലയാള സിനിമയിലേക്ക് രവീന്ദ്രന്‍ എത്തി. ആഷിക്ക് അബു സംവിധാനം ചെയ്ത ഇടുക്കി ഗോള്‍ഡിലൂടെ മികച്ച തിരിച്ചു വരവ് നടത്തി.

ഇപ്പോള്‍ വീണ്ടും രവീന്ദ്രന്‍ ഡാന്‍സ് കൊണ്ട് വെള്ളിത്തിരയെ കോരിതരിപ്പിക്കാന്‍ ഒരുങ്ങുകയാണ്. നൗഷാദ് സംവിധാനം ചെയ്യുന്ന കാപ്പുചീനോ എന്ന സിനിമയിലെ മിടുക്കി മിടുക്കി എന്ന ഗാനത്തിലാണ് രവീന്ദ്രന്‍റെ രസികന്‍ ഡാന്‍സ് സ്റ്റെപ്പുകള്‍ ഉള്ളത്.

കെ രാഘവന്‍ മാസ്റ്റര്‍ ഈണം നല്കിയ ഉണ്ണിയാര്‍ച്ച എന്ന പ്രേം നസീര്‍ ചിത്രത്തിലെ ഗാനം റീമേക്ക് രൂപത്തിലാണ് കാപ്പുചീനോയില്‍ എത്തുന്നത്. ബിബിന്‍ അശോക് ആണ് പുതിയ രീതിയില്‍ ഗാനം ചിട്ടപ്പെടുത്തിയത്.