ഐമയ്ക്ക് വിവാഹം ; വരൻ കെവിൻ പോൾ

നിവിൻ പോളിയുടെ അനുജത്തിയായി വന്ന് മലയാളികളുടെ മനംകവർന്ന ഐമ സെബാസ്റ്റ്യൻ വിവാഹിതയാകുന്നു .മലയാളത്തിലെ പ്രമുഖ നിർമാണ കമ്പനിയായ വീക്കെൻഡ് ബ്ലോക്ബ്സ്റ്റേർസിന്റെ ഉടമസ്ഥയായ സോഫിയ പോളിന്റെ മകൻ കെവിൻ പോൾ ആണ് വരൻ ആയി എത്തുന്നത് .

അഞ്ജലി മേനോൻ സംവിധാനം ചെയ്ത ബാംഗ്ലൂർ ഡെയ്‌സ് അൻവർ റഷീദിനൊപ്പം നിർമ്മിച്ച് കൊണ്ടാണ് വീക്കെൻഡ് ബ്ലോക്ബ്സ്റേഴ്സ് മലയാള സിനിമയിൽ അരങ്ങേറുന്നത് . അതിനു ശേഷം ഡോക്ടർ ബിജു സംവിധാനം ചെയ്ത കാട് പൂക്കുന്ന നേരം എന്ന ചിത്രവും കാട് പൂക്കുന്ന നേരം വിമർശകരുടെ പ്രശംസ നേടിയപ്പോൾ മുന്തിരി വള്ളികൾ തളിർക്കുമ്പോൾ വീക്കെൻഡ് ബ്ലോക്ബ്സ്റ്റേഴ്സിന്റെ ഏറ്റവും വലിയ വിജയമായി മാറി.

ഫഹദ് ഫാസിൽ നായകനായി മാർത്താണ്ഡൻ സംവിധാനം ചെയ്യുന്ന ചിത്രമാണ് സോഫിയ പോൾ ഈ ബാനറിൽ അടുത്തതായി നിർമ്മിക്കാൻ പോകുന്ന ചിത്രം.

കെവിൻ പോളും അമ്മയോടൊപ്പം ചലച്ചിത്ര നിർമ്മാണ രംഗത്ത് സജീവമാകാൻ ഒരുങ്ങുകയാണ് എന്നാണ് റിപ്പോർട്ടുകൾ പറയുന്നത്.

കെവിൻ- ഐമ വിവാഹത്തെ പറ്റിയുള്ള കൂടുതൽ വിവരങ്ങൾ വരും ദിവസങ്ങളിൽ പുറത്തു വരും എന്ന് പ്രതീക്ഷിക്കുന്നു.