മലയാളത്തിന്റെ മെഗാസ്റ്റാർ മമ്മൂട്ടി രണ്ട് ദിവസം മുൻപാണ് ഖത്തറിൽ എത്തിയത്. ഖത്തറിൽ നടന്ന ലോകക്കപ്പ് ഫുട്ബോൾ ടൂർണമെന്റിന്റെ ഫൈനൽ കാണാനാണ് അദ്ദേഹമെത്തി ചേർന്നത്. നിർമ്മാതാവ് ആന്റോ ജോസഫും മമ്മൂട്ടിക്കൊപ്പം ഉണ്ടായിരുന്നു. ഫ്രാൻസും അർജന്റീനയും തമ്മിൽ നടന്ന ആ ഫൈനലിന് ശേഷം മമ്മൂട്ടി പങ്ക് വെച്ച ചിത്രങ്ങളും സോഷ്യൽ മീഡിയ കുറിപ്പും ഏറെ ശ്രദ്ധ നേടിയിരുന്നു. ഇപ്പോഴിതാ, ഖത്തറിൽ നിന്ന് ദുബായിലേക്ക് എന്ന കുറിപ്പോടെ, നിർമ്മാതാവ് ആന്റോ ജോസഫ് സോഷ്യൽ മീഡിയയിൽ പങ്ക് വെച്ച ഒരു വീഡിയോയാണ് ശ്രദ്ധ നേടുന്നത്. സ്റ്റൈലിഷ് ലുക്കിൽ, കൂളിങ് ഗ്ലാസ് വെച്ച് യാത്ര ചെയ്യുന്ന മമ്മൂട്ടിയുടെ വീഡിയോയാണ് ആന്റോ ജോസഫ് പുറത്ത് വിട്ടിരിക്കുന്നത്. മെഗാസ്റ്റാറിന്റെ ഈ കിടിലൻ വീഡിയോ ആരാധകർ ഏറ്റെടുത്തു കഴിഞ്ഞു. നവാഗതനായ റോബി വർഗീസ് രാജ് ഒരുക്കാൻ പോകുന്ന ത്രില്ലർ ചിത്രത്തിലാണ് മമ്മൂട്ടി ഇനി അഭിനയിക്കുക എന്നാണ് സൂചന.
ഒരു പോലീസ് ഓഫീസർ ആയാണ് മമ്മൂട്ടി ഇതിൽ എത്തുന്നതെന്നും വാർത്തകളുണ്ട്. മമ്മൂട്ടി കമ്പനിയുടെ ബാനറിൽ അദ്ദേഹം തന്നെ നിർമ്മിക്കുന്ന ചിത്രമാണിത്. മമ്മൂട്ടി കമ്പനിയുടെ ബാനറിൽ അദ്ദേഹം നിർമ്മിച്ച ലിജോ ജോസ് പെല്ലിശ്ശേരി ചിത്രമായ നൻ പകൽ നേരത്ത് മയക്കമാണ് ഇനി റിലീസ് ചെയ്യാനുള്ള ഒരു മമ്മൂട്ടി ചിത്രം. കേരളാ അന്താരാഷ്ട്ര ഫിലിം ഫെസ്റ്റിവലിൽ ജനപ്രിയ ചിത്രത്തിനുള്ള അവാർഡ് നേടിയ സിനിമയാണിത്. ബി ഉണ്ണികൃഷ്ണൻ- ഉദയ കൃഷ്ണ ടീം ഒരുക്കിയ ക്രിസ്റ്റഫർ എന്ന ചിത്രവും, മമ്മൂട്ടി തന്നെ നിർമ്മിച്ച് ജിയോ ബേബി ഒരുക്കിയ കാതൽ എന്ന ചിത്രവുമാണ് അടുത്ത വർഷം ആദ്യ മാസങ്ങളിൽ റിലീസ് പ്രതീക്ഷിക്കുന്ന മമ്മൂട്ടി ചിത്രങ്ങൾ. തെലുങ്ക് ചിത്രം ഏജന്റും മമ്മൂട്ടിക്ക് പൂർത്തിയാക്കാനുണ്ട്.
സോഷ്യൽ മീഡിയയിൽ തരംഗമായി മോഹൻലാൽ അഭിനയിച്ച പുതിയ പരസ്യം. ഇന്ത്യൻ പരസ്യ സംവിധാന രംഗത്തെ അതികായനും "തുടരും" സിനിമയിലെ ജോർജ്…
പ്രശസ്ത മലയാള നടി ശ്രിന്ദ സംവിധായികയായി അരങ്ങേറ്റം കുറിക്കുന്നു. സൗബിൻ ഷാഹിർ ആണ് ശ്രിന്ദ ഒരുക്കുന്ന ആദ്യ ചിത്രത്തിലെ നായകൻ…
രോമാഞ്ചം, ആവേശം എന്നീ ചിത്രങ്ങളിലൂടെ ശ്രദ്ധ നേടിയ ജിത്തു മാധവൻ, തമിഴിൽ സൂര്യ- മോഹൻലാൽ ടീമിനെ പ്രധാന വേഷങ്ങളിൽ അവതരിപ്പിക്കുന്ന ചിത്രം ഒരുക്കുന്നു…
കേരളത്തെ നടുക്കിയ 2024 ലെ ചൂരൽമല ഉരുൾപൊട്ടൽ ദുരന്തം ആസ്പദമാക്കി ഒരു സിനിമ ഒരുങ്ങുന്നു എന്ന് വാർത്തകൾ. ഈ ദുരന്തത്തിന്റെ പശ്ചാത്തലത്തിൽ കഥ…
ഇന്ത്യയിൽ നിന്നല്ല ആദ്യത്തെ ഫോർമുല വൺ റേസിങ്ങിൽ പങ്കെടുത്തു ശ്രദ്ധേയനായ നരെയ്ൻ കാർത്തികേയന്റെ ജീവിതം സിനിമയാകുന്നു എന്ന് വാർത്തകൾ. പ്രശസ്ത…
സൂപ്പർ ഹിറ്റായ മലയാളം വെബ് സീരിസ് 'ലവ് അണ്ടർ കൺസ്ട്രക്ഷൻ' ഒരുക്കിയ സംവിധായകൻ വിഷ്ണു ജി രാഘവ് ഇനി മോഹൻലാൽ…
This website uses cookies.