ട്രിപ്പിള്‍ സ്‌ട്രോങ്ങായി മധുര രാജയുടെ വരവ് സോഷ്യൽ മീഡിയാ ആഘോഷിക്കുന്നു

മമ്മൂട്ടിയുടെ കരിയറിലെ ഏറ്റവും വലിയ ബജറ്റ് ചിത്രം എന്ന വിശേഷണത്തോടെയാണ് മധുരരാജയുടെ വരവ്.
2010 ല്‍ പുറത്തിറങ്ങിയ മെഗാ സ്റ്റാർ മമ്മൂട്ടിയുടെ പോക്കിരി രാജയുടെ രണ്ടാം ഭാഗമായ മധുര രാജയുടെ ടീസര്‍ ഇന്ന് പുറത്തിറങ്ങി. വൈശാഖ് എന്റര്‍ടൈന്‍മെന്റ്‌സിന്റെ യുട്യൂബ് അക്കൗണ്ടിലൂടെയാണ് ടീസര്‍ പുറത്തിറക്കിയരിക്കുന്നത്.
42 സെക്കന്‍ഡ് ദൈര്‍ഘ്യമുള്ള ടീസറില്‍ ചിത്രത്തിലെ ആക്ഷന്‍ രംഗങ്ങളാണ് ഉള്‍പ്പെട്ടിരിക്കുന്നത്. രാജയും രാജയുടെ പിള്ളേരും ട്രിപ്പിള്‍ സ്‌ട്രോങ്ങാണെന്ന പഞ്ച് ഡയലോഗു ഇതിനോടകം സോഷ്യൽ മീഡിയയിൽ തരംഗമായി കഴിഞ്ഞു

മലയാളത്തില്‍ ഏറ്റവും കൂടുതല്‍ കളകഷന്‍ നേടിയ ചിത്രമായ പുലിമുരുകന്റെ വിജയത്തിന് ശേഷം വൈശാഖ്-ഉദയകൃഷ്ണ-പീറ്റർ ഹെയ്‌ൻ ടീം മധുരരാജയിലൂടെ വീണ്ടും ഒന്നിക്കുന്നു എന്നത് പ്രേക്ഷക പ്രതീക്ഷ വർധിപ്പിക്കുന്നു..കൂടാതെ വമ്പൻ താര നിര അണിനിരക്കുന്ന ഈ ചിത്രത്തിൽ ബോളിവുഡ് താര സുന്ദരി സണ്ണി ലിയോണിയുടെ ഐറ്റം ഡാൻസും ഉണ്ട്. തമിഴ് നടൻ ജയ്, തെലുങ്കു നടൻ ജഗപതി ബാബു എന്നിവരും ഈ ചിത്രത്തിൽ നിർണ്ണായക വേഷങ്ങൾ ചെയ്യുന്നുണ്ട്. പീറ്റർ ഹെയ്‌ൻ സംഘട്ടന സംവിധാനം നിർവഹിച്ച ഈ ചിത്രത്തിന് സംഗീതം ഒരുക്കുന്നത് ഗോപി സുന്ദറും ക്യാമറ ചലിപ്പിക്കുന്നത് ഷാജി കുമാറും ആണ്. ജോൺകുട്ടി ആണ് മധുര രാജയുടെ എഡിറ്റർ.