മഞ്ജരിയുടെ മനോഹര ശബ്ദത്തിൽ വീണ്ടുമൊരു ഒപ്പന പാട്ടു ..!

പ്രശസ്ത പിന്നണി ഗായികയായ മഞ്ജരിയുടെ മനോഹരമായ ശബ്ദത്തിൽ പുതിയൊരു ഒപ്പന പാട്ടു കൂടി പുറത്തു വന്നു കഴിഞ്ഞു. ബെൻസി പ്രൊഡക്ഷൻസ് മലയാളത്തിൽ ആദ്യമായി അവതരിപ്പിക്കുന്ന ഖലീഫ എന്ന ചിത്രത്തിലെ ആണ് ഈ മനോഹരമായ ഒപ്പന പാട്ട്.

നവാഗതനായ മുബഹിക്ക് സംവിധാനം ചെയ്യുന്ന ഈ ചിത്രം നിർമിക്കുന്നത് ബേനസീർ ആണ്. ഈ ചിത്രത്തിന് വേണ്ടി സംഗീത സംവിധാനം ചെയ്തിരിക്കുന്നത് ശങ്കർ ധുൻ ആണ്. അദ്ദേഹം ഈണം നൽകിയ ഈ ഗാനം രചിച്ചിരിക്കുന്നത് സുരേഷ് നടുവത്താണ്. മഞ്ജരിയുടെ മനോഹരമായ ശബ്ദത്തിൽ പാരമ്പര്യ തനിമയോടെ എത്തിയിരിക്കുന്ന ഗാനത്തിന് സംഗീത പ്രേമികൾക്കിടയിൽ ഗംഭീര അഭിപ്രായം ആണ് ഇപ്പോൾ ലഭിക്കുന്നത്.

മാതളപ്പൂമൊട്ടു എന്ന് തുടങ്ങുന്ന ഈ ഗാനത്തിന്റെ വീഡിയോ മനോരമ മ്യൂസിക്കിന്റെ ഒഫീഷ്യൽ യൂട്യൂബ് ചാനൽ വഴി ആണ് റിലീസ് ചെയ്തത്. മികച്ച ചിത്രീകരണവും ഈ ഗാനത്തിന്റെ വീഡിയോക്ക് മിഴിവേകിയിട്ടുണ്ട് എന്ന് പറയാതെ വയ്യ. മലയാള സിനിമയിൽ ഒട്ടേറെ ഹിറ്റ്‌ ഗാനങ്ങൾ പാടിയിട്ടുള്ള മഞ്ജരിയുടെ പുതിയ ഹിറ്റായി മാറി കഴിഞ്ഞു ഈ ഒപ്പന പാട്ടു.

ഇതിനു മുൻപും മാപ്പിള പാട്ടുകളും ഒപ്പന പാട്ടൂകളും പാടി ഹിറ്റാക്കിയിട്ടുള്ള ഗായികയാണ് മഞ്ജരി. ഏതായാലും ഒരിക്കൽ കൂടി മജ്ഞരി ആ ചരിത്രം ആവർത്തിക്കുകയാണ് എന്ന് പറയാം. ഖലീഫ എന്ന ഈ ചിത്രം അധികം വൈകാതെ തന്നെ തീയേറ്ററുകളിൽ എത്തുമെന്നാണ് പ്രതീക്ഷ. പ്രശസ്ത യുവ നടൻ അനീഷ് ജി മേനോൻ ഈ ചിത്രത്തിൽ പ്രധാന വേഷത്തിൽ എത്തുന്നുണ്ട്.