“കാസേത്താൻ കടവുൾഡാ”; അജിത്തിന്റെ തുനിവിലെ മഞ്ജു വാര്യർ ആലപിച്ച ഗാനം കാണാം

തമിഴകത്തിന്റെ തല അജിത് നായകനായി എത്തുന്ന ഏറ്റവും പുതിയ ചിത്രമാണ് തുനിവ്. ഈ വരുന്ന ജനുവരിയിൽ പൊങ്കൽ റിലീസായി പ്രേക്ഷകരുടെ മുന്നിലെത്തുന്ന ഈ ബിഗ് ബജറ്റ് ചിത്രം ഒരു ഹെയ്‌സ്റ്റ് ത്രില്ലറായാണ് ഒരുക്കിയിരിക്കുന്നതെന്നാണ് സൂചന. സൂപ്പർ ഹിറ്റ് സംവിധായകൻ എച്ച് വിനോദ് ഒരുക്കിയ ഈ ചിത്രം ജനുവരി പതിനൊന്നിനാണ് റിലീസ് ചെയ്യാൻ പോകുന്നത്. നേർക്കൊണ്ട പാർവൈ, വലിമയ് എന്നിവക്ക് ശേഷം അജിത്- എച്ച് വിനോദ് ടീം ഒന്നിച്ച ഈ ചിത്രത്തിന്റെ ടാഗ് ലൈൻ നോ ഗട്ട്സ് നോ ഗ്ലോറി എന്നാണ്. ബേ വ്യൂ പ്രോജെക്ടസിന്റെ ബാനറിൽ ബോളിവുഡ് നിർമ്മാതാവായ ബോണി കപൂർ നിർമ്മിച്ചിരിക്കുന്ന ഈ ചിത്രത്തിന്റെ സഹനിർമ്മാതാക്കളായി സീ സ്റ്റുഡിയോയും ഉണ്ട്. ഇപ്പോഴിതാ ഈ ചിത്രത്തിലെ രണ്ടാമത്തെ ഗാനം റിലീസ് ചെയ്തിരിക്കുകയാണ്. ഹിപ് ഹോപ് തമിഴയുടെ സ്വരത്തിൽ ഒരുക്കിയ, കാസേ താൻ കടവുളേഡാ എന്ന ഗാനത്തിന് ഈണം പകർന്നിരിക്കുന്നത് ജിബ്രാൻ ആണ്. നേരത്തെ ഈ ചിത്രത്തിലെ മറ്റൊരു ഗാനവും റിലീസ് ചെയ്തിരുന്നു.

അനിരുദ്ധ് ആലപിച്ച ചില്ല ചില്ല എന്ന ഈ ഗാനവും സൂപ്പർ ഹിറ്റായി മാറി. നരച്ച കട്ട താടിയും മുടിയുമായി സ്റ്റൈലിഷ് വില്ലൻ ലുക്കിലാണ് അജിത് തുനിവിൽ അഭിനയിച്ചിരിക്കുന്നത്. മലയാളത്തിന്റെ ലേഡി സൂപ്പർസ്റ്റാർ മഞ്ജു വാര്യർ നായികാ വേഷം ചെയ്യുന്ന ഈ ചിത്രത്തിൽ, ജോൺ കൊക്കൻ, സമുദ്രക്കനി, മമതി ചാരി, പ്രേം കുമാർ, വീര, മഹാനദി ശങ്കർ, നയന സായി, ആമിർ, സിബി ചന്ദ്രൻ, അജയ്, പവാനി റെഡ്ഢി എന്നിവരും അഭിനയിച്ചിട്ടുണ്ട്. നീരവ് ഷാ ക്യാമറ ചലിപ്പിച്ച തുനിവ് എഡിറ്റ് ചെയ്തിരിക്കുന്നത് വിജയ് വേലുകുട്ടിയാണ്.