കേരളക്കരയെ ആഘോഷ ലഹരിയിൽ ആഴ്ത്താൻ ലാലേട്ടന്റെ ജിമ്മിക്കി കമ്മൽ നൃത്തം..

ഇന്ത്യക്ക് അകത്തും പുറത്തും തരംഗമായി മാറിയ പുതിയ മലയാള ഗാനമാണ് വെളിപാടിന്റെ പുസ്തകം എന്ന മോഹൻലാൽ- ലാൽ ജോസ് ചിത്രത്തിലെ തട്ട് പൊളിപ്പൻ ഗാനമായ എന്റമ്മേടെ ജിമ്മിക്കി കമ്മൽ എന്ന് തുടങ്ങുന്ന പാട്ട്. ഷാൻ റഹ്മാന്റെ ഈണത്തിൽ വിനീത് ശ്രീനിവാസൻ, രഞ്ജിത് ഉണ്ണി എന്നിവർ ചേർന്ന് ആലപിച്ച ഈ ഗാനം ഇന്ന് സോഷ്യൽ മീഡിയ മാത്രമല്ല, കേരളം മുഴുവൻ കീഴടക്കി കഴിഞ്ഞു.യൂട്യൂബിൽ ഓരോ ദിവസവും പുതിയ പുതിയ ചരിത്രങ്ങൾ സൃഷ്ടിക്കുന്ന ഈ ഗാനം അടിസ്ഥാനപ്പെടുത്തിയുള്ള നൃത്ത രംഗങ്ങൾ ആണ് ഇന്ന് കേരളത്തിന് അകത്തു നിന്നും പുറത്തു നിന്നും സോഷ്യൽ മീഡിയയിൽ എത്തുന്നത്.ശരത് കുമാറും സംഘവും നൃത്തം ചെയ്തു തകർത്ത ഈ ഗാനത്തിൽ മോഹൻലാൽ ഉണ്ടെങ്കിലും അദ്ദേഹം നൃത്തം ചെയ്തിരുന്നില്ല. മലയാള സിനിമയിലെ ഏറ്റവും മികച്ച നർത്തകരിൽ ഒരാൾ കൂടിയായ മോഹൻലാൽ ഈ അടിപൊളി പാട്ടിനു നൃത്തം ചെയ്യാത്തത് ആരാധകർക്കും സിനിമാ പ്രേമികൾക്കും നിരാശ സമ്മാനിച്ചിരുന്നു. ഇപ്പോഴിതാ ആ നിരാശ തീർക്കാനായി ഇതാ ലാലേട്ടൻ എത്തുകയായി ഒരടിപൊളി ജിമ്മിക്കി കമ്മൽ നൃത്തവുമായി. ഇനി ഈ നൃത്തം കേരളം കീഴടക്കുമെന്നുറപ്പ്.