ബോളിവുഡിന്റെ കിംഗ് ഖാൻ എന്നറിയപ്പെടുന്ന താരമാണ് ഷാരൂഖ് ഖാൻ. ഇന്ത്യയിൽ ഏറ്റവും കൂടുതൽ ആരാധകരുള്ള ഷാരൂഖ് ഖാൻ, ആഗോള തലത്തിലും ഏറ്റവും ജനപ്രിയനും ഏറ്റവും കൂടുതൽ ആരാധകരുള്ളതുമായ ബോളിവുഡ് താരമാണ്. ഇന്ത്യൻ സിനിമ എന്ന് പറയുമ്പോൾ വിദേശികൾക്കിടയിൽ ഏറ്റവും കൂടുതൽ ഓടിയെത്തുന്ന ഒരു പേരും ഷാരൂഖ് ഖാന്റേതാണ്. ഇപ്പോഴിതാ അദ്ദേഹത്തിന്റെ ആ പോപ്പുലാരിറ്റി കാണിച്ചു തരുന്ന ഒരു വീഡിയോ കൂടി സോഷ്യൽ മീഡിയയിൽ വൈറലായി മാറുകയാണ്. സൗദി അറേബ്യയിൽ നടന്ന റെഡ് സീ അന്താരാഷ്ട്ര ചലച്ചിത്രോത്സവത്തിനിടെ നടന്ന ഒരു സംഭവത്തിന്റെ വീഡിയോയാണ് വൈറലാവുന്നത്. വിശിഷ്ടാതിഥികളുടെ സീറ്റിൽ തനിക്ക് തൊട്ടടുത്ത് ഇരിക്കുന്നത് ഷാരൂഖ് ഖാനാണെന്ന് തിരിച്ചറിഞ്ഞ ഹോളിവുഡ് നടിയുടെ പ്രതികരണമാണ് ഈ വീഡിയോയുടെ ഉള്ളടക്കം.
ഹോളിവുഡ് നടി ഷാരോൺ സ്റ്റോൺ ആണ് തന്റെ തൊട്ടടുത്ത് ഷാരൂഖ് ഖാനെ കണ്ട് അമ്പരന്നത്. ഷാരൺ സ്റ്റോണിനെ കണ്ട ഷാരൂഖ് വിനയപൂർവം താരത്തെ അഭിവാദ്യം ചെയ്യുന്നതും വീഡിയോയിൽ കാണാൻ സാധിക്കും. ഷാരൂഖ് ഖാനോട് ഷാരോൺ നമസ്തേ പറയുന്നതും വീഡിയോയിൽ കാണാം. തന്റെ രണ്ട് സീറ്റ് അപ്പുറത്താണ് ഷാരൂഖ് ഖാൻ ഇരുന്നത് എന്നും അദ്ദേഹം അവിടെ ഉണ്ടെന്ന് തനിക്കറിയില്ലായിരുന്നു എന്നും ഷാരോൺ സ്റ്റോൺ പറഞ്ഞു. താരങ്ങളെ കാണുമ്പോൾ പൊതുവിൽ ആവേശം കൊള്ളുന്നയാളല്ല താനെന്നു പറഞ്ഞ ഷാരോൺ, പക്ഷെ ഷാരൂഖ് ഖാനെ കണ്ടപ്പോൾ താൻ ആവേശം കൊണ്ട് പോയെന്നും അത് വ്യത്യസ്തമായ ഒരനുഭവം ആയിരുന്നുവെന്നും കൂട്ടിച്ചേർത്തു. ചലച്ചിത്ര മേഖലക്ക് നല്കിയ സമഗ്ര സംഭാവന പരിഗണിച്ച് ഷാരൂഖിന് സൗദി അറേബ്യയുടെ ബഹുമതിയും അവിടെ വെച്ച് സമ്മാനിച്ചു. പ്രിയങ്ക ചോപ്ര, കരീന കപൂർ, ഒലിവർ സ്റ്റോൺ, ഗയ് റിച്ചി തുടങ്ങിയവരും മേളയുടെ ഭാഗമായി അവിടെ എത്തിയിരുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.