കിടിലൻ ട്രൈലെറിലൂടെ പ്രതീക്ഷ വർധിപ്പിച്ചു ആൻഡ് ദി ഓസ്കാർ ഗോസ് റ്റു; ചിത്രം അടുത്ത വെള്ളിയാഴ്ച സ്‌ക്രീനുകളിൽ..!

യുവ താരം ടോവിനോ തോമസിനെ നായകനാക്കി പ്രശസ്ത സംവിധായകനായ സലിം അഹമ്മദ് ഒരുക്കിയ ചിത്രമാണ് ആൻഡ് ദി ഓസ്കാർ ഗോസ് റ്റു. റിലീസിന് മുൻപേ തന്നെ ഒട്ടേറെ അംഗീകാരങ്ങൾ ഏറ്റു വാങ്ങിയ ഈ ചിത്രത്തിന്റെ ട്രൈലെർ കഴിഞ്ഞ ദിവസമാണ് റിലീസ് ചെയ്തത്. ഗംഭീര പ്രേക്ഷക പ്രതികരണം ആണ് ഈ ട്രൈലെർ ഇപ്പോൾ നേടിക്കൊണ്ടിരിക്കുന്നത്. പ്രേക്ഷക പ്രതീക്ഷകളെ വാനോളം ഉയർത്തുന്ന ഒരു ട്രൈലെർ ആണ് ഈ ചിത്രത്തിന്റേതായി ഇപ്പോൾ റിലീസ് ചെയ്തിരിക്കുന്നത് എന്ന് പറയാം. ഇസാക് എന്ന് പേരുള്ള ഒരു സംവിധായകൻ ആയാണ് ടോവിനോ തോമസ് ഈ ചിത്രത്തിൽ അഭിനയിച്ചിരിക്കുന്നത്. ഈ യുവ സംവിധായകൻ എങ്ങനെ ഓസ്കാർ വേദിയിൽ തന്റെ ചിത്രവുമായി എത്തുന്നു എന്നതാണ് ആൻഡ് ദി ഓസ്കാർ ഗോസ് റ്റു നമ്മളോട് പറയുന്നത്.

അടുത്ത ആഴ്ച റിലീസ് ചെയ്യാൻ പോകുന്ന ഈ ചിത്രം കാനഡയിലെ ആൽബെർട്ട ഫിലിം ഫെസ്റ്റിവലിൽ പ്രദർശിപ്പിക്കുകയും പുരസ്‌കാരങ്ങൾ നേടിയെടുക്കുകയും ചെയ്തു. അനു സിതാര ആണ് ഈ ചിത്രത്തിലെ നായികാ വേഷം ചെയ്യുന്നത്. ഒരു പത്ര പ്രവർത്തക ആയാണ് അനു സിതാര ഈ ചിത്രത്തിൽ അഭിനയിച്ചിരിക്കുന്നത്. സിദ്ധിഖ്, സലിം കുമാര്‍, ശ്രീനിവാസന്‍, ലാല്‍, അപ്പാനി രവി, സറീന വഹാബ് എന്നിവരാണ് ഈ ചിത്രത്തിലെ മറ്റ് പ്രധാന വേഷങ്ങൾ ചെയ്യുന്നത്. മധു അമ്പാട്ട് ഛായാഗ്രഹണം നിര്‍വഹിച്ച ഈ ചിത്രത്തിന്റെ ശബ്ദസംവിധാനം നിർവഹിച്ചത് റസൂല്‍ പൂക്കുട്ടിയും സംഗീതം ഒരുക്കിയത് ബിജിപാലും ആണ്. കനേഡിയൻ മൂവി കോർപ്, അല്ലൻ മീഡിയ എന്നിവർ ചേർന്നാണ് ഈ ചിത്രത്തിന്റെ നിർമ്മാണം നിർവഹിച്ചിരിക്കുന്നതു.