പേരൻപിലെ പുതിയ ടീസർ പുറത്തുവിട്ട് അണിയറപ്രവത്തകർ ….

മെഗാ സ്റ്റാർ മമ്മൂട്ടി നായകനായ പേരന്പ് എന്ന തമിഴ് ചിത്രത്തിലെ പുതിയ ടീസർ ഇന്ന് റിലീസ് ചെയ്തു. യുവാൻ ശങ്കർ രാജ പേജിലൂടെ പുറത്തു വിട്ട ഈ ടീസറിന് ഇപ്പോൾ പ്രേക്ഷകരുടെ മനസ്സ് കീഴടക്കുകയാണ്. ഗംഭീര പ്രേക്ഷക പ്രതികരണം ലഭിച്ചു കൊണ്ടിരിക്കുന്ന ടീസറിന് ദൃശ്യങ്ങളും മനസ്സിനെ സ്പർശിക്കുന്നതാണെന്നാണ് പ്രേക്ഷകരുടെ അഭിപ്രായം. പ്രശസ്ത സംവിധായകനായ റാം രചനയും സംവിധാനവും നിർവഹിച്ച ഈ ചിത്രം വരുന്ന ഫെബ്രുവരി ഒന്നിന് ലോകം മുഴുവൻ റിലീസ് ചെയ്യും. കേരളത്തിൽ ആന്റോ ജോസഫ് ഫിലിം കമ്പനിയാണ് ഈ ചിത്രം റിലീസ് ചെയ്യുന്നത്. മമ്മൂട്ടയോടൊപ്പം ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത് തങ്കമീങ്കൾ എന്ന റാം ചിത്രത്തിലൂടെ ദേശീയ ശ്രദ്ധ നേടിയ സാധനയാണ്.

മമ്മൂട്ടിയുടേയും സാധനയുടെയും അവിസ്മരണീയമായ അഭിനയ മുഹൂർത്തങ്ങൾ ആണ് ഈ ചിത്രത്തിന്റെ ഏറ്റവും വലിയ ഹൈലൈറ്റ് എന്നാണ് ഇതിനോടകം  ഈ ചിത്രം കണ്ട പ്രേക്ഷകരും നിരൂപകരും ഒരേ സ്വരത്തിൽ അഭിപ്രായപ്പെടുന്നത്. ഇന്റർനാഷണൽ ഫിലിം ഫെസ്ടിവലുകളിൽ പ്രദർശിപ്പിച്ച പേരന്പ് അവിടെ നിന്നെല്ലാം ഗംഭീര പ്രതികരണം ആണ് നേടിയെടുത്തത് എന്നതും ഈ ചിത്രത്തെ കുറിച്ചുള്ള പ്രതീക്ഷകൾ വാനോളമാക്കിയിട്ടുണ്ട്. കുറച്ചു ദിവസങ്ങൾക്കു മുൻപേ റിലീസ് ചെയ്ത പേരന്പിന്റെ ട്രെയ്‌ലറും വലിയ പ്രേക്ഷക പ്രശംസ നേടിയെടുത്തിരുന്നു. ശ്രീ രാജലക്ഷ്മി ഫിലിമ്സിന്റെ ബാനറിൽ പി എൽ തേനപ്പൻ നിർമ്മിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ശ്രീകർ പ്രസാദ് ആണ്. അഞ്ജലി, സുരാജ് വെഞ്ഞാറമൂട്, സമുദ്രക്കനി എന്നിവരും അഭിനയിച്ചിരിക്കുന്ന ഈ ചിത്രം മമ്മൂട്ടിക്കും സാധനക്കും ഒട്ടേറെ അംഗീകാരങ്ങൾ നേടിക്കൊടുക്കും എന്ന് തന്നെയാണ് ഏവരുടെയും പ്രതീക്ഷ.