ഇപ്പോൾ ഒട്ടേറെ ഹൃസ്വ ചിത്രങ്ങൾ വലിയ രീതിയിൽ സോഷ്യൽ മീഡിയ ഏറ്റെടുക്കുന്നുണ്ട്. അങ്ങനെ സോഷ്യൽ മീഡിയയിൽ വൈറലാകുന്ന ഒരു പുതിയ ഹൃസ്വ ചിത്രമാണ് ഡി കെ. അഭിനേതാക്കളുടെ പ്രകടന മികവുകൊണ്ടും കഥയിലെ വ്യത്യസ്തത കൊണ്ടും കാണികളെ രസിപ്പിക്കുന്ന ഈ ഹൃസ്വ ചിത്രം വാട്ടർ ബൗണ്ട് മീഡിയയ്ക്കു വേണ്ടി മഹേഷ് കിടങ്ങിലാണ് സംവിധാനം ചെയ്തിരിക്കുന്നത്. ഓർഡിനറി, അനാർക്കലി തുടങ്ങി നിരവധി ചിത്രങ്ങൾക്ക് ഗാനരചന നിർവഹിച്ച രാജീവ് ഗോവിന്ദൻ രചിച്ച ഈ ഹൃസ്വ ചിത്രം അവതരിപ്പിക്കുന്നത് മുംബൈ മലയാളിയായ ബിസിനസുകാരൻ ഡി.കെ.ജോസഫ് എന്ന കഥാപാത്രത്തിന്റെ ജീവിതത്തിലെ രസകരമായ നിമിഷങ്ങൾ ആണ്. പൂർണമായും ഹാസ്യത്തിന് പ്രാധാന്യം നൽകിയാണ് ഈ ചിത്രം ഒരുക്കിയിരിക്കുന്നത്.
അവധിക്കാലത്ത് ഭാര്യയും മക്കളും നാട്ടിൽ പോയതോടെ തനിച്ചു കിട്ടിയ നിമിഷങ്ങൾ ആഘോഷമാക്കാനുള്ള ഡി.കെയുടെ ശ്രമങ്ങൾ ചിരിയുണർത്തുന്ന രീതിയിൽ പ്രേക്ഷകരുടെ മുന്നിലെത്തിച്ചിരിക്കുന്നു. ഭാര്യ ഇല്ലാത്തപ്പോൾ കാമുകി വീട്ടിൽ വന്നാൽ എന്തായിരിക്കും അവസ്ഥ എന്നത് ചിരിയും ചിന്തയും ചാലിച്ചു കൊണ്ട് അവതരിപ്പിച്ചിരിക്കുകയാണ് സംവിധായകൻ. ചലച്ചിത്ര താരം കോട്ടയം രമേശാണ് കേന്ദ്ര കഥാപാത്രമായ ഡി കെ ജോസഫായി പൊട്ടിച്ചിരിപ്പിക്കുന്ന പ്രകടനം കാഴ്ച വെച്ചിരിക്കുന്നത്. പ്രശസ്ത ഛായാഗ്രാഹകൻ ഫൈസൽ അലി ക്യാമറ ചലിപ്പിച്ച ഈ ഹൃസ്വ ചിത്രത്തിന് സംഗീതം ഒരുക്കിയത് അശ്വിൻ ജോണ്സൻ ആണ്. അരുൺ ദാസ് എഡിറ്റിംഗ് നിർവഹിച്ചിരിക്കുന്ന ഈ ചിത്രത്തിൽ പ്രശസ്ത സിനിമാ താരങ്ങളായ മഞ്ജു പിള്ള, മറീന മൈക്കിൾ, അർച്ചന സുശീലൻ തുടങ്ങിയവരും അഭിനയിച്ചിട്ടുണ്ട്. ഏതായാലും പ്രേക്ഷകന് ഏറെ കൗതുകം സമ്മാനിച്ചു കൊണ്ടാണ് ഡി കെ ഇപ്പോൾ തരംഗമായി മാറുന്നത്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.