പ്രഭുദേവയുടെ സൽമാൻ ഖാൻ ചിത്രം ദബാംഗ് 3 യുടെ മാസ്സ് ട്രൈലെർ ഇതാ..!

ബോളിവുഡ് സൂപ്പർ താരം സൽമാൻ ഖാനെ നായകനാക്കി പ്രഭുദേവ സംവിധാനം ചെയ്ത പുതിയ ചിത്രമാണ് ദബാംഗ് 3 . വലിയ ഹിറ്റുകൾ ആയ ദബാംഗ്, ദബാംഗ് 2 എന്നിവക്ക് ശേഷം സൽമാൻ ഖാൻ ചുൾബുൾ പാണ്ഡെ എന്ന മാസ്സ് പോലീസ് ഓഫീസർ ആയി എത്തുന്ന ചിത്രമാണ് ഇത്. ഈ വർഷം ക്രിസ്മസ് റിലീസ് ആയി എത്താൻ പോകുന്ന ദബാംഗ് 3 യുടെ ഒരു കിടിലൻ മാസ്സ് ട്രൈലെർ ഇന്ന് റിലീസ് ചെയ്തു കഴിഞ്ഞു. വമ്പൻ പ്രേക്ഷക പ്രതികരണം ലഭിക്കുന്ന ഈ ട്രൈലെർ ഗംഭീര ആക്ഷൻ രംഗങ്ങൾ കൊണ്ട് സമൃദ്ധമാണ്. ആക്ഷന് ഒപ്പം കോമെഡിയും നൃത്തവും റൊമാന്സും എല്ലാം നിറഞ്ഞ ഒരു ഗംഭീര ചിത്രമാകും ദബാംഗ് 3 എന്നാണ് ട്രൈലെർ നൽകുന്ന സൂചന.

സൽമാൻ ഖാൻ, അർബാസ് ഖാൻ എന്നിവർ ചേർന്ന് നിർമ്മിക്കുന്ന ഈ ചിത്രം രചിച്ചിരിക്കുന്നത് ദിലീപ് ശുക്ല, അലോക് ഉപാധ്യായ എന്നിവർ ചേർന്നാണ്. കന്നഡ സിനിമയിലെ സൂപ്പർ താരമായ കിച്ച സുദീപ് ആണ് ഈ ചിത്രത്തിലെ വില്ലൻ വേഷം ചെയ്യുന്നത്. ഇവർക്കൊപ്പം സോനാക്ഷി സിൻഹ, അർബാസ് ഖാൻ, ടിനു ആനന്ദ്, സായി മഞ്ജരേക്കർ എന്നിവരും ഈ ചിത്രത്തിലെ നിർണ്ണായക വേഷങ്ങൾ ചെയ്യുന്നു. സാജിദ്- വാജിദ് ടീം സംഗീതം ഒരുക്കിയിരിക്കുന്ന ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത്‌ റിതേഷ് സോണിയും ഛായാഗ്രഹണം നിർവഹിച്ചത് മഹേഷ് ലിമയേയും ആണ്. ഒരിക്കൽ കൂടി സൽമാൻ ഖാൻ ചുൾബുൾ പാണ്ഡെ ആയി എത്തി ബോക്സ് ഓഫീസ് റെക്കോർഡുകൾ തകർക്കും എന്ന് തന്നെയാണ് ആരാധകരുടെ പ്രതീക്ഷ.