ഉദ്യോഗസ്ഥ ദുഷ്പ്രഭുത്വം നമുക്ക് വേണ്ട; ശ്രദ്ധ നേടി ആറാട്ട് സ്നീക്ക് പീക്ക്; വീഡിയോ കാണാം .!

ബി. ഉണ്ണികൃഷ്ണന്‍ സംവിധാനം ചെയ്ത് മോഹന്‍ലാല്‍ നായകനായെത്തിയ ആറാട്ട് വലിയ വിജയം നേടി നിറഞ്ഞ സദസില്‍ പ്രദര്‍ശനം തുടരുകയാണ്. നെയ്യാറ്റിൻകര ഗോപൻ എന്ന കഥാപാത്രമായി മോഹൻലാൽ നിറഞ്ഞാടിയ ഈ ചിത്രത്തിന്റെ ഏറ്റവും വലിയ ഹൈലൈറ്റും അദ്ദേഹത്തിന്റെ കിടിലൻ പ്രകടനം തന്നെയാണ്. ഉദയ കൃഷ്ണ രചിച്ച ഈ ചിത്രം കോമഡി, സ്പൂഫ്, ആക്ഷൻ എന്നിവ നിറഞ്ഞ ഒരു കിടിലൻ എന്റെർറ്റൈനെർ ആയാണ് ഒരുക്കിയിരിക്കുന്നത്. ഇപ്പോഴിതാ ഈ ചിത്രത്തിലെ ഒരു സ്‌നീക്ക് പീക്ക് വീഡിയോ പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍. സൈന മൂവീസിന്റെ യൂട്യൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത്. മോഹൻലാൽ, നായികാ വേഷം ചെയ്ത ശ്രദ്ധ ശ്രീനാഥ് എന്നിവർ പ്രത്യക്ഷപ്പെടുന്ന ഈ വീഡിയോയുടെ ഹൈലൈറ്റ് മോഹൻലാലിന്റെ രസകരമായ സംഭാഷണവും ഭാവ പ്രകടനങ്ങളുമാണ്.

ആറാട്ടിന് ലഭിച്ച പ്രേക്ഷക പ്രതികരണത്തിന് നന്ദി അറിയിച്ച് മോഹന്‍ലാലും, അതുപോലെ സംവിധായകൻ ബി ഉണ്ണികൃഷ്ണനും രംഗത്ത് വന്നിരുന്നു. ചിത്രത്തിനെതിരെ ആസൂത്രിതമായ ആക്രമണം നടക്കുന്ന കാര്യവും സംവിധായകൻ കഴിഞ്ഞ ദിവസം മാധ്യമങ്ങളോട് പറഞ്ഞു. അവകാശവാദങ്ങളൊന്നുമില്ലാതെ വന്ന ബി. ഉണ്ണികൃഷ്ണന്റെ ഈ ചിത്രം ഇപ്പോൾ മോഹൻലാൽ എന്ന പ്രതിഭയുടെ പ്രകടന മികവിന്റെ ശക്തിയിൽ ആണ് ഗംഭീര വിജയം നേടി മുന്നോട്ടു പോകുന്നത്. ഒരുപാട് ഹ്യൂമറും പഴയ സിനിമകളിലെ ഡയലോഗുകളും ഓര്‍മിപ്പിക്കുന്ന, നൊസ്റ്റാള്‍ജിയയിലേക്ക് കൊണ്ടുപോകുന്ന സീനുകളും ഉള്ള ചിത്രമാണ് ആറാട്ട്. ആ രംഗങ്ങൾ വളരെ മികച്ച രീതിയിൽ ഒരു സ്പൂഫ് പോലെയാണ് എടുത്തിരിക്കുന്നത്. ആർ ഡി ഇല്ല്യൂമിനേഷൻ, എം പി എം ഗ്രൂപ്പ് എന്നിവയുടെ ബാനറിൽ ബി ഉണ്ണികൃഷ്ണൻ, ശക്തി എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്.