മലയാളത്തിന്റെ ആക്ഷൻ സൂപ്പർ സ്റ്റാർ ആയിരുന്ന സുരേഷ് ഗോപിയുടെ മകൻ ഗോകുൽ സുരേഷും ഇപ്പോൾ സിനിമയിൽ സജീവമാണ്. തന്റെ മികച്ച പ്രകടനങ്ങളിലൂടെ പ്രേക്ഷകരുടെ ഇഷ്ടം നേടിയെടുക്കാനും ഗോകുലിന് സാധിച്ചിട്ടുണ്ട്. അച്ഛൻ സുരേഷ് ഗോപി രാഷ്ട്രീയത്തിൽ സജീവമാണെങ്കിലും മകന് ഗോകുലിന് അതിലൊന്നും താല്പര്യമില്ല. പലപ്പോഴും അച്ഛന്റെ രാഷ്ട്രീയ കാഴ്ചപ്പാടുകൾക്കു താൻ എതിരാണെന്നും ഗോകുൽ സുരേഷ് പറഞ്ഞിട്ടുണ്ട്. ഇപ്പോഴിതാ സോഷ്യൽ മീഡിയയിൽ വൈറലാവുന്നതു ഗോകുൽ സുരേഷ് അച്ഛൻ സുരേഷ് ഗോപിയെ അനുകരിക്കുന്ന ഒരു വീഡിയോ ആണ്. അനുകരണം മാത്രമല്ല ചെറിയ രീതിയിൽ അച്ഛന്റെ ഒരു പ്രശസ്ത ഡയലോഗ് പറഞ്ഞു ചെറിയൊരു ട്രോളും കൂടിയാണ് ഗോകുൽ സുരേഷ് നൽകുന്നത്.
കഴിഞ്ഞ ലോക്സഭാ തെരഞ്ഞെടുപ്പുകാലത്ത് തൃശ്ശൂരില് നിന്നും മത്സരിച്ച സുരേഷ് ഗോപി പ്രചാരണത്തിനിടെ വോട്ട് അഭ്യര്ത്ഥിച്ച ഡയലോഗ് അന്ന് ഏറെ ശ്രദ്ധ നേടിയിരുന്നു. സോഷ്യൽ മീഡിയയിൽ വലിയ ട്രോളുകൾ ലഭിച്ച ഡയലോഗായിരുന്നു അത്. ഈ തൃശൂര് എനിക്ക് വേണം, നിങ്ങളെനിക്ക് തരണം, ഈ തൃശൂര് ഞാനിങ്ങ് എടുക്കുവാ എന്നായിരുന്നു അന്ന് സുരേഷ് ഗോപി പറഞ്ഞത്. ഇപ്പോഴിതാ അതേ ഡയലോഗ് ചെറിയൊരു മാറ്റവുമായി ഗോകുൽ സുരേഷ് പറയുകയാണ്. ഒരു കോളേജ് പരിപാടിക്കെത്തിയപ്പോള് ആണ് ഗോകുൽ സുരേഷ് ഇത് ചെയ്തത്. ഇക്ബാൽ കോളേജിലെ കുട്ടികൾ അച്ഛന്റെ ഏതെങ്കിലും ഒരു ഡയലോഗ് പറയാൻ ഗോകുൽ സുരേഷിനോട് ആവശ്യപ്പെട്ടപ്പോൾ ആണ് ഗോകുൽ സുരേഷ് ഈ ഡയലോഗിൽ ചെറിയൊരു മാറ്റം വരുത്തി തന്റേതായ രീതിയിൽ പറഞ്ഞത്. ഏതായാലും വലിയ കയ്യടിയും പ്രേക്ഷക ശ്രദ്ധയും നേടുകയാണ് ഗോകുലിന്റെ ഈ വീഡിയോ.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.