ഏദനിൽ മധുരം നിറയും; പള്ളീലച്ചന്റെ പ്രണയവുമായി വരയനിലെ പുത്തൻ ഗാനം; വീഡിയോ കാണാം ..!

സിജു വിൽസൺ നായകനായെത്തുന്ന ഏറ്റവും പുതിയ ചിത്രമാണ് വരയൻ. മെയ് ഇരുപതിന്‌ റിലീസ് ചെയ്യാൻ പോകുന്ന ഈ ചിത്രത്തിലെ ഏറ്റവും പുതിയ ഗാനമിപ്പോൾ റിലീസ് ചെയ്തിരിക്കുകയാണ്. ഏദനിൽ മധുരം നിറയും എന്ന വരികളോടെ തുടങ്ങിയിരിക്കുന്ന ഈ പ്രണയ ഗാനം രചിച്ചിരിക്കുന്നത് ബി കെ ഹരിനാരായണൻ, പാടിയിരിക്കുന്നത് സന മൊയ്‌തുട്ടി എന്നിവരാണ്. പ്രകാശ് അലെക്‌സാണ് ഈ ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത്. നേരത്തെ ഇതിലെ രണ്ടു പാട്ടുകൾ പുറത്തു വരികയും സൂപ്പർ ഹിറ്റാവുകയും ചെയ്തിരുന്നു. പറ പറ പാറു പെണ്ണെ, കായലോണ്ട് വട്ടം വരച്ചേ എന്നിവയാണ് ആ ഗാനങ്ങൾ. ഇപ്പോൾ പുറത്തു വന്നിരിക്കുന്ന പുതിയ ഗാനത്തിൽ സിജു വിൽ‌സൺ, ലിയോണ ലിഷോയ് എന്നിവരാണ് അഭിനയിച്ചിരിക്കുന്നത്. അതിമനോഹരമായ ദൃശ്യങ്ങളാൽ സമ്പന്നമായ ഒരു പ്രണയഗാനമായാണ് ഇതൊരുക്കിയിരിക്കുന്നത്.

ഈ ചിത്രത്തിൽ ഫാദർ എബി കപ്പൂച്ചിനെന്ന കഥാപാത്രമായാണ് സിജു വിത്സനെത്തുന്നത്. കോമഡിയും സസ്പെൻസും മാസ് ഡയലോഗുകളും ആക്ഷനും നിറഞ്ഞ ഒരു കമ്പ്ലീറ്റ് എന്റർടൈനറാണ് വരയനെന്ന ഫീലാണ് ഇതിന്റെ ട്രൈലെർ നമ്മുക്ക് നൽകുന്നത്. നവാഗതനായ ജിജോ ജോസഫ് സംവിധാനം ചെയ്തിരിക്കുന്ന ഈ ചിത്രം, സത്യം സിനിമാസിന്റെ ബാനറിൽ പ്രേമചന്ദ്രൻ എ.ജി യാണ് നിർമ്മിച്ചിരിക്കുന്നത്. ഫാദർ ഡാനി കപ്പൂച്ചിൻ തിരക്കഥയൊരുക്കിയ ഈ ചിത്രത്തിൽ മണിയൻപിള്ള രാജു, അരിസ്റ്റോ സുരേഷ്, വിജയരാഘവൻ, ജൂഡ് ആന്തണി ജോസഫ്, ജോയ് മാത്യു എന്നിവരുമഭിനയിച്ചിട്ടുണ്ട്. രജീഷ് രാമൻ ഛായാഗ്രഹണവും ജോൺകുട്ടി എഡിറ്റിങ്ങും നിർവഹിച്ച ഈ ചിത്രം ഏറെ പ്രതീക്ഷകളോടെയാണിപ്പോൾ പ്രേക്ഷകർ കാത്തിരിക്കുന്നത്. വ്യത്യസ്ഥമായൊരു കഥാപാത്രത്തിനായി താൻ കാത്തിരുന്ന സമയത്താണ് ‘വരയൻ’ തന്നെ തേടി വന്നതെന്നും തനിക്കു മുന്നിലേക്ക് വന്ന തിരക്കഥകളിൽ വളരെയധികം ആകർഷണം തോന്നിയ സിനിമയാണ് വരയനെന്നും സിജു വിൽ‌സൺ പറഞ്ഞിരുന്നു.