എ പടം കാണുക മാത്രമല്ല, വിറ്റു കാശാക്കിയിട്ടുമുണ്ട്; തുറന്നു പറഞ്ഞു ധ്യാൻ ശ്രീനിവാസൻ; വീഡിയോ കാണാം..!

ഇപ്പോൾ സോഷ്യൽ മീഡിയയിൽ വൈറലായി മാറിയിരിക്കുന്ന മലയാള സിനിമാ താരം, നടനും സംവിധായകനുമായ ധ്യാൻ ശ്രീനിവാസനാണ്. അദ്ദേഹം പ്രധാന വേഷത്തിലഭിനയിച്ചു റിലീസ് ചെയ്യാൻ പോകുന്ന ഉടൽ എന്ന ചിത്രത്തിന്റെ പ്രമോഷന്റെ ഭാഗമായി ധ്യാൻ കൊടുത്ത അഭിമുഖങ്ങളിൽ അദ്ദേഹം നടത്തുന്ന രസകരമായ തുറന്നു പറച്ചിലുകളാണ് സോഷ്യൽ മീഡിയ ആഘോഷിക്കുന്നത്. ഇപ്പോഴിതാ ഓൺലൂകേർസ് മീഡിയക്കു നൽകിയ അഭിമുഖത്തിലും ധ്യാൻ പറഞ്ഞ കാര്യങ്ങൾ വമ്പൻ ഹിറ്റായി മാറുകയാണ്. ഉടൽ എന്ന ചിത്രത്തിന് എ സർട്ടിഫിക്കറ്റ് കിട്ടിയത് കൊണ്ട് തന്നെ, ധ്യാൻ ജീവിതത്തിൽ ആദ്യമായി കണ്ട എ പടം ഏതാണെന്നായിരുന്നു അവതാരകന്റെ ചോദ്യം. ഏതോ ഒരു ഇംഗ്ലീഷ് പടമായിരുന്നു അതെന്നു പറഞ്ഞ ധ്യാൻ, അതിനു ശേഷം നടത്തിയ വെളിപ്പെടുത്തലാണ് പ്രേക്ഷകരെ ചിരിപ്പിച്ചത്.

അന്ന് എ പടം കണ്ടതിനേക്കാൾ കൂടുതൽ, താനും ഒരു സുഹൃത്തും എ പടം ക്രെഡിറ്റ് കാർഡുപയോഗിച്ചു വാങ്ങിച്, അത് സിഡിയിൽ കോപ്പി ചെയ്തു സ്‌കൂളിൽ വിറ്റിട്ടുണ്ടെന്നും, ദിവസം മുന്നൂറു രൂപ വരെ അങ്ങനെ സമ്പാദിച്ചിട്ടുണ്ടെന്നുമാണ് ധ്യാൻ വെളിപ്പെടുത്തുന്നത്. ഏതായാലും ധ്യാനിന്റെ ഈ രസകരമായ തുറന്നു പറച്ചിൽ ഇപ്പോൾ സൂപ്പർ ഹിറ്റായാണ് മുന്നോട്ടു പോകുന്നത്. മെയ് ഇരുപതിനാണ് ഉടൽ എന്ന ചിത്രം റിലീസ് ചെയ്യാൻ പോകുന്നത്. രതീഷ് രഘുനന്ദന്‍ സംവിധാനം ചെയ്തിരിക്കുന്ന ഈ ചിത്രം നിർമ്മിച്ചിരിക്കുന്നത് ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ്. ഇതിന്റെ ടീസർ സോഷ്യൽ മീഡിയയിൽ തരംഗമായി മാറിയിരുന്നു. ഒരു ത്രില്ലറായി ഒരുക്കിയിരിക്കുന്ന ഈ ചിത്രത്തിൽ ഇന്ദ്രൻസ്, ദുർഗാ കൃഷ്ണ, ജൂഡ് ആന്റണി ജോസെഫ് എന്നിവരാണ് മറ്റു കഥാപാത്രങ്ങൾക്ക് ജീവൻ പകർന്നിരിക്കുന്നത്.