കണ്ണും കണ്ണും കൊള്ളയ് അടിത്താൽ ട്രൈലെർ; ത്രില്ലടിപ്പിക്കാൻ ദുൽകർ സൽമാന്റെ പുതിയ തമിഴ് ചിത്രം

മലയാളത്തിന്റെ യുവ താരം ദുൽകർ സൽമാൻ അഭിനയിച്ച ഇരുപത്തിയഞ്ചാമത്തെ ചിത്രം ഈ മാസം റിലീസ് ചെയ്യാൻ പോവുകയാണ്. കണ്ണും കണ്ണും കൊള്ളയ് അടിത്താൽ എന്ന ഒരു തമിഴ് ചിത്രമാണ് ദുൽഖറിന്റെ ഇരുപത്തിയഞ്ചാമത്തെ റിലീസ്. ഈ ചിത്രത്തിന്റെ ആദ്യ ട്രൈലെർ വലിയ പ്രേക്ഷക ശ്രദ്ധ പിടിച്ചു പറ്റിയിരുന്നു. ഇപ്പോഴിതാ ഇന്ന് റിലീസ് ചെയ്ത ഇതിന്റെ രണ്ടാമത്തെ ട്രൈലെർ ഏറെ പ്രേക്ഷക ശ്രദ്ധ നേടുകയാണ്. ഒരു റൊമാന്റിക് ത്രില്ലറായാണ് ഈ ചിത്രം ഒരുക്കിയിരിക്കുന്നതെന്ന് സൂചനയാണ് ഇതിന്റെ ട്രൈലെർ പ്രേക്ഷകർക്ക് നൽകുന്നത്. പ്രണയവും അതിനൊപ്പം ത്രില്ലടിപ്പിക്കുന്ന മുഹൂർത്തങ്ങളും എല്ലാം നിറഞ്ഞ വിഷ്വൽസ് ആണ് ഈ ട്രെയ്ലറിന്റെ സവിശേഷത. റിതു വർമ്മ ദുൽകർ സൽമാന്റെ നായികാ വേഷം ചെയ്യുന്ന ഈ ചിത്രത്തിൽ പ്രശസ്ത തമിഴ് സംവിധായകൻ ഗൗതം വാസുദേവ് മേനോനും ഒരു പ്രധാന വേഷം ചെയ്യുന്നുണ്ട്. രക്ഷൻ, നിരഞ്ജനി എന്നിവരും ഈ ചിത്രത്തിന്റെ താരനിരയുടെ ഭാഗമാണ്.

ദേസിങ് പെരിയസാമി സംവിധാനം ചെയ്തിരിക്കുന്ന ഈ ചിത്രം നിർമ്മിച്ചിരിക്കുന്നത് വയാകോം 18 സ്റുഡിയോസും ആന്റോ ജോസഫ് ഫിലിം കമ്പനിയും ചേർന്നാണ്. കെ എം ഭാസ്കരൻ ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് വേണ്ടി സംഗീതമൊരുക്കിയിരിക്കുന്നതു മസാല കോഫി എന്ന പോപ്പുലർ മ്യൂസിക് ബാൻഡും ഒപ്പം ഹർഷ വർധൻ രാമേശ്വറും ചേർന്നാണ്. ഹർഷ വർധൻ ആണ് ഈ ചിത്രത്തിന്റെ പശ്ചാത്തല സംഗീതവുമൊരുക്കിയിരിക്കുന്നതു. പ്രവീൺ ആന്റണി എഡിറ്റ് ചെയ്തിരിക്കുന്ന ഈ ചിത്രത്തിന് സംഘട്ടനമൊരുക്കിയത് സുപ്രീം സുന്ദർ മാസ്റ്ററാണ്. ഈ വർഷത്തെ ദുൽകർ സൽമാന്റെ രണ്ടാമത്തെ റിലീസ് ആണ് കണ്ണും കണ്ണും കൊള്ളയ് അടിത്താൽ.