രസകരമായ നാലാം ടീസറുമായി വിജയ് സൂപ്പറും പൗര്ണമിയും; ചിത്രം വെള്ളിയാഴ്ച എത്തുന്നു..!

വിജയ് സൂപ്പറും പൗര്ണമിയും എന്ന ആസിഫ് അലി- ഐശ്വര്യ ലക്ഷ്മി ചിത്രത്തിന്റെ നാലാമത്തെ ടീസർ ഇന്ന് റിലീസ് ചെയ്തു കഴിഞ്ഞു. ഈ ചിത്രത്തിന്റെ മുൻ ടീസറുകൾക്കും ഗാനങ്ങൾക്കും ട്രെയിലറിനും എല്ലാം ലഭിച്ചത് പോലെ തന്നെ മികച്ച പ്രേക്ഷക പ്രതികരണവും സ്വീകരണവും ആണ് ഈ പുതിയ ടീസറിനും ഇപ്പോൾ സോഷ്യൽ മീഡിയയിൽ നിന്ന് ലഭിച്ചു കൊണ്ടിരിക്കുന്നത്. ജിസ് ജോയ് രചിച്ചു സംവിധാനം ചെയ്ത ഈ ചിത്രം അദ്ദേഹത്തിന്റെ മൂന്നാം ചിത്രം ആണ്. ഈ മൂന്നു ചിത്രങ്ങളിലും ആസിഫ് അലി ആണ് നായകൻ ആയി എത്തിയത് എന്നതും ഇവരുടെ കൂട്ടുകെട്ടിനെ പ്രതീക്ഷയുള്ളതാക്കുന്നു. ന്യൂ സൂര്യ ഫിലിമ്സിന്റെ ബാനറിൽ സുനിൽ എ കെ നിർമ്മിച്ച ഈ ചിത്രം ഈ വരുന്ന വെള്ളിയാഴ്ച കേരളത്തിലെ തീയേറ്ററുകളിൽ റിലീസ് ചെയ്യും.

https://youtu.be/gJv_Yf4OucI
ജിസ് ജോയ് തന്നെ ഗാനങ്ങൾ രചിച്ചിരിക്കുന്ന ഈ ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത് പ്രിൻസ് ജോർജ് ആണ്. ഒപ്പം എന്ന ബ്ലോക്ക്ബസ്റ്റർ മോഹൻലാൽ- പ്രിയദർശൻ ചിത്രത്തിന് വേണ്ടി ഗംഭീരമായ ഗാനങ്ങൾ ഒരുക്കിയ ടീം ഫോർ മ്യൂസിക്സ് ആണ്  പശ്ചാത്തല സംഗീതം ഒരുക്കിയിരിക്കുന്നത് എന്ന പ്രത്യേകതയും ഈ ചിത്രത്തിന് ഉണ്ട് . ഈ ചിത്രത്തിന് വേണ്ടി റെനഡിവേ ഒരുക്കിയ ദൃശ്യങ്ങൾ  എഡിറ്റ് ചെയ്തിരിക്കുന്നത് രതീഷ് രാജ് ആണ്.  ബാലു വർഗീസ്, അജു വർഗീസ്, ജോസഫ് അന്നക്കുട്ടി, രഞ്ജി പണിക്കർ, സിദ്ദിഖ്, ശാന്തി കൃഷ്ണ, ദേവൻ  തുടങ്ങി ഒരു വലിയ താര നിര തന്നെ ഈ ചിത്രത്തിൽ പ്രത്യക്ഷപ്പെടുന്നുണ്ട്. ഒരു പക്കാ ഫാമിലി കോമഡി എന്റെർറ്റൈനെർ ആയാണ് ഈ ചിത്രം ഒരുക്കിയിരിക്കുന്നത്.