അമല പോൾ ആദ്യമായി നിർമാതാവ് കൂടിയാകുന്ന ഇൻവെസ്റ്റിഗേറ്റിവ് ത്രില്ലർ ചിത്രം കാടവെറിലെ ട്രെയിലർ പുറത്തിറങ്ങി. അനൂപ് പണിക്കർ സംവിധാനം ചെയ്യുന്ന ചിത്രത്തിൽ ഡോ. ഭദ്ര എന്ന പൊലീസ് സർജനായാണ് അമല പോൾ എത്തുന്നത്. ഉദ്വെഗഭരിതമായ രംഗങ്ങളും ട്വിസ്റ്റുകളും കോർത്തിണക്കിയുള്ള ഒരു ക്രൈം ത്രില്ലറായിരിക്കും കാടവെറെന്നാണ് ട്രെയിലർ നൽകുന്ന സൂചന. ഇതുവരെ അമല ചെയ്ത വേഷങ്ങളിൽ നിന്നും വേറിട്ടു നിൽക്കുന്ന കഥാപാത്രമായിരിക്കും ഡോ. ഭദ്രയെന്നും ട്രെയിലർ വ്യക്തമാക്കുന്നു. ഒരു തുമ്പും കൊലപാതകി അവശേഷിപ്പിച്ചില്ലെങ്കിലും, ദുരൂഹതകൾ മാറ്റി ഭദ്ര കേസ് തീർപ്പാക്കുന്നതാണ് കഥാതന്തു. കൊലപാതകത്തിൽ നിന്നും തന്നെ തടയാനായി വെല്ലുവിളിക്കുന്ന കൊലയാളിയുടെ വികലമായ ശബ്ദത്തോടെയാണ് ട്രെയിലർ ആരംഭിക്കുന്നത്. ചെയ്ത കുറ്റങ്ങൾ ഏറ്റുപറയുന്ന കൊലപാതകിയിൽ നിന്നും വ്യത്യസ്തനായി, ചെയ്യാനിരിക്കുന്ന കൊലപാതകങ്ങൾക്ക് മാപ്പ് പറയുന്ന പ്രതിനായകനാണ് കാടവെറിൽ ഉള്ളതെന്നും ട്രെയിലറിലെ രംഗങ്ങൾ പറയുന്നു.
മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിൽ റിലീസ് ചെയ്യുന്ന ചിത്രത്തിൽ ഹരീഷ് ഉത്തമൻ, മുനിഷ്കാന്ത്, അതുല്യ രവി, റിത്വിക, വിനോദ് സാഗർ, ജയ റാവു, പശുപതി, വേലു പ്രഭാകർ എന്നിവരും നിർണായക വേഷങ്ങൾ ചെയ്യുന്നു. നൈറ്റ് ഡ്രൈവ്, പത്താം വളവ് തുടങ്ങിയ ചിത്രങ്ങളുടെ രചയിതാവ് അഭിലാഷ് പിള്ളയാണ് തിരക്കഥ ഒരുക്കുന്നത്. കേരളത്തിൽ നടന്ന ചില യഥാർഥ സംഭവങ്ങളെ ആസ്പദമാക്കിയുള്ളതാണ് കഥ. സാൻ ലോകേഷ് എഡിറ്റിങ് നിർവഹിക്കുന്ന ചിത്രത്തിന്റെ ഛായാഗ്രഹകൻ അരവിന്ദ് സിംഗ് ആണ്. രഞ്ജിൻ രാജ് ചിത്രത്തിനായി സംഗീതം ഒരുക്കുന്നു. ഓഗസ്റ്റ് 12ന് ഡിസ്നി പ്ലസ് ഹോട്ട്സ്റ്റാറിൽ കാടവെർ നേരിട്ട് റിലീസിനെത്തും.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.