ആറാട്ട് ആഘോഷം തുടങ്ങുന്നു; ട്രെയിലറിന് മുൻപൊരു ചെറുപൂരം; വീഡിയോ കാണാം..!

മലയാളത്തിന്റെ മഹാനടൻ മോഹൻലാലിനെ നായകനാക്കി ബി ഉണ്ണികൃഷ്ണൻ ഒരുക്കിയ പുതിയ ചിത്രമായ ആറാട്ട് പുതിയ വർഷം ഫെബ്രുവരി പത്തിന് ആണ് റിലീസിന് തയ്യാറെടുക്കുന്നത്. ഈ ചിത്രം ഒരു മാസ്സ് മസാല എന്റെർറ്റൈനെർ ആണെന്നും, തീയേറ്ററുകളിലേക്കു പ്രേക്ഷകർ കൂട്ടമായി വന്നു ആഘോഷത്തോടെ കാണേണ്ട തരത്തിലുള്ള ഒരു ചിത്രമാണ് ഇതെന്നും അദ്ദേഹം നേരത്തെ തന്നെ പറഞ്ഞിരുന്നു. ഈ ചിത്രത്തിന്റെ റ്റീസർ, പ്രൊമോഷൻ വീഡിയോ, പോസ്റ്ററുകൾ എന്നിവയെല്ലാം വമ്പൻ ഹിറ്റായി മാറിയതുമാണ്. ജനുവരി ഒന്നിന് രാവിലെ പതിനൊന്നു മണിക്കാണ് ഈ ചിത്രത്തിന്റെ ട്രൈലെർ വരുന്നത്. ഇപ്പോഴിതാ അതിനു മുൻപായി ഒരു സാമ്പിൾ പൂരം ആരാധകർക്ക് സമ്മാനിച്ചിരിക്കുകയാണ് ചിത്രത്തിന്റെ അണിയറ പ്രവർത്തകർ. ഒരു പ്രൊമോഷൻ വീഡിയോ ആണ് ട്രെയിലറിന് മുൻപ്, ചിത്രത്തിന്റെ ഒഫീഷ്യൽ മ്യൂസിക്/ വീഡിയോ പാർട്ണർ ആയ സൈനയുടെ യൂട്യൂബ് ചാനൽ വഴി പുറത്തു വിട്ടിരിക്കുന്നത്.

ഇതോടു കൂടി ആരാധകരും സിനിമ പ്രേമികളും ആഘോഷം തുടങ്ങി കഴിഞ്ഞു. ഉദയ കൃഷ്ണ രചിച്ച ഈ ചിത്രത്തിൽ നെയ്യാറ്റിൻകര ഗോപൻ എന്ന കഥാപാത്രമായി ആണ് മോഹൻലാൽ എത്തുന്നത്. ശ്രദ്ധ ശ്രീനാഥ് നായികാ വേഷം ചെയ്ത ഈ ചിത്രത്തിൽ നെടുമുടി വേണു, സായ്കുമാര്‍, സിദ്ദിഖ്, വിജയരാഘവന്‍, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍കുട്ടി തുടങ്ങി ഒരു വലിയ താരനിര അഭിനയിച്ചിട്ടുണ്ട്. രാഹുൽ രാജ് സംഗീതമൊരുക്കിയ ഈ ചിത്രത്തിൽ സംഗീത മാന്ത്രികൻ എ ആർ റഹ്മാൻ അതിഥി വേഷത്തിലും എത്തുന്നുണ്ട്. ഷെയർ മുഹമ്മദ് എഡിറ്റ് ചെയ്ത ഈ ചിത്രത്തിന് ക്യാമറ ചലിപ്പിച്ചത് വിജയ് ഉലകനാഥ് ആണ്.