മിഥുന് വിവാഹ വാർഷിക ആശംസകളുമായി ജോജു ജോർജ്; എന്റെയും പിറന്നാൾ ആണെടാ പൊട്ടാ എന്ന കമന്റുമായി ബിജു മേനോൻ..!

ഒരുപാട് മലയാള സിനിമകളിലൂടെയും അതുപോലെ തന്നെ മിനി സ്ക്രീൻ അവതാരകൻ ആയും റേഡിയോ ജോക്കി ആയുമെല്ലാം പ്രേക്ഷകരുടെ പ്രീയപ്പെട്ട ആളായ മാറിയ താരമാണ് മിഥുൻ രമേശ്. ഫ്‌ളവേഴ്‌സ് ചാനലിലെ കോമഡി ഉത്സവം പരിപാടിയുടെ അവതാരകൻ ആയതോടെ മിഥുൻ കൂടുതൽ പോപ്പുലർ ആയി മാറി. ഇന്ന് മലയാളികളുടെ ഏറ്റവും പ്രീയപ്പെട്ട ചാനൽ അവതാരകരിൽ ഒരാളാണ് മിഥുൻ രമേശ് എന്ന ഈ കലാകാരൻ. മിഥുന്റെ ഭാര്യ ആയ ചിഞ്ചുവും സോഷ്യൽ മീഡിയയിൽ വളരെ പോപ്പുലർ ആണ് . ഒരു വ്ലോഗർ എന്ന നിലയിൽ ചിഞ്ചു സോഷ്യൽ മീഡിയയിലെ ഒരു താരം തന്നെയാണെന്ന് പറയാം. ഒട്ടേറെ സിനിമാ സൗഹൃദങ്ങൾ ഉള്ള മിഥുന്റെ വിവാഹ വാർഷികമായിരുന്നു കഴിഞ്ഞ ദിവസം. ആ വിവാഹ വാർഷികത്തിന് മിഥുന് ആശംസകൾ അറിയിച്ചു കൊണ്ട് ജോജു ജോർജ് ഇട്ട ഒരു പോസ്റ്റും അതിലെ ഒരു കമെന്റും സോഷ്യൽ മീഡിയയിൽ വൈറൽ ആയി കഴിഞ്ഞു.

പ്രശസ്ത നടനും നിർമ്മാതാവുമായ ജോജു ജോർജ് മിഥുന് വിവാഹ വാർഷിക ആശംസകൾ നേർന്നു ഇട്ട പോസ്റ്റിൽ കമന്റ് ചെയ്തത് ജനപ്രിയ നായകൻ ബിജു മേനോൻ ആണ്. ഇന്ന് എന്റെ പിറന്നാൾ ആണെടാ പൊട്ടാ എന്നാണ് ജോജു ജോർജിനോട് ബിജു മേനോൻ കമെന്റിലൂടെ പറഞ്ഞത്. അത് കണ്ട ഉടൻ തന്നെ ജോജു ബിജു മേനോന് പിറന്നാൾ ആശംസകൾ നേരുകയും ചെയ്തു. തുടർന്ന് മിഥുനും ഭാര്യക്കും ബിജു മേനോനും വിവാഹ വാർഷിക ആശംസകൾ നേർന്നു. തനിക്കു ഏറ്റവും അടുപ്പമുള്ള കുടുംബത്തിന് വിവാഹ വാർഷിക ആശംസകൾ നേരുന്നു എന്നാണ് ബിജു മേനോൻ കുറിച്ചത്. എന്തായാലും ജോജുവിന്റെ ആ പോസ്റ്റും , ബിജു മേനോന്റെ ആ കമന്റുമെല്ലാം ഇപ്പോൾ സോഷ്യൽ മീഡിയയിൽ വൈറൽ ആയി എന്ന് പറഞ്ഞാൽ മതി. ഇരുവർക്കും നന്ദി പറഞ്ഞു മിഥുനും ആ പോസ്റ്റിൽ കമന്റ് ചെയ്തിട്ടുണ്ട്.