ഇന്റർനാഷണൽ ഫിലിം ഫെസ്റ്റിവലിൽ വട ചെന്നൈക്ക് പ്രശംസ; തമിഴ് സിനിമയുടെ ഗോഡ് ഫാദർ എന്ന് നിരൂപകർ..!

ധനുഷിന്റെ നായകനാക്കി ദേശീയ അവാർഡ് ജേതാവായ വെട്രിമാരൻ ഒരുക്കിയ വട ചെന്നൈയുടെ പ്രീമിയർ പിൻഗ്യായോ ക്രൗചിങ് ടൈഗർ ഹിഡൻ ഡ്രാഗൺ ഇന്റർനാഷണൽ ഫിലിം ഫെസ്റ്റിവലിൽ നടന്നു. അവിടുത്തെ ഗാല സെക്ഷനിൽ ആണ് വട ചെന്നൈയുടെ പ്രീമിയർ നടന്നത്. പ്രീമിയർ ഷോ കണ്ട എല്ലാവരിൽ നിന്നും ഗംഭീര പ്രതികരണം ആണ് ഈ ചിത്രത്തിന് ഇപ്പോൾ ലഭിച്ചു കൊണ്ടിരിക്കുന്നത്. തമിഴ് സിനിമയുടെ ഗോഡ് ഫാദർ എന്നാണ് വട ചെന്നൈയെ കുറിച്ച് പ്രശസ്തരായ നിരൂപകർ അഭിപ്രായപ്പെടുന്നത്. ലോക സിനിമയിലെ ഏറ്റവും മികച്ച ചിത്രങ്ങളിൽ ഒന്നായി പരിഗണിക്കപ്പെടുന്ന ദി ഗോഡ് ഫാദറും ആയുള്ള താരതമ്യം പോലും ഈ ചിത്രത്തിന് ലഭിക്കാവുന്ന ഏറ്റവും വലിയ അംഗീകാരമാണ്.

ലോക പ്രശസ്തനായ ജാപ്പനീസ് സംവിധായകനായ തകേശി മിയ്ക്കയുടെ ക്ലാസ്സിക് ചിത്രങ്ങളുമായും വട ചെന്നൈയെ നിരൂപകർ താരതമ്യപ്പെടുത്തുന്നുണ്ട്. അതിഗംഭീരമായ ആക്ഷൻ സീക്വൻസുകൾ ആണ് ഈ ചിത്രത്തിന്റെ ഹൈലൈറ്റ് എന്നാണ് അവർ പറയുന്നത്. അതുപോലെ ചിത്രത്തിൽ ഉടനീളം കാണപ്പെടുന്ന അതിതീവ്രമായ എനർജിയും വട ചെന്നൈയെ വേറിട്ട് നിർത്തുന്നു എന്നാണ് നിരൂപക പ്രതികരണം സൂചിപ്പിക്കുന്നത്. പിൻഗ്യായോ ക്രൗചിങ് ടൈഗർ ഹിഡൻ ഡ്രാഗൺ ഇന്റർനാഷണൽ ഫിലിം ഫെസ്റ്റിവലിന്റെ സെക്കന്റ് എഡിഷൻ ആണ് ഇത്തവണ നടന്നത്. ചൈനയിലെ ഷാങ്ക്സി പ്രൊവിൻസിലെ യുണൈറ്റഡ് നേഷൻസ് ഹെറിറ്റേജ് ടൌൺ ഓഫ് പിൻഗ്യാവോയിൽ ആണ് ഈ ചലച്ചിത്രമേള നടക്കുന്നത്. ധനുഷിനെ നായകനാക്കി പൊല്ലാതവൻ എന്ന ചിത്രമൊരുക്കി അരങ്ങേറിയ വെട്രിമാരൻ ആറു ദേശീയ അവാർഡുകൾ നേടിയ ധനുഷ് ചിത്രമായ ആടുകളവും ഒരുക്കിയിരുന്നു. ആൻഡ്രിയ, ഐശ്വര്യ രാജേഷ്, സമുദ്രക്കനി, അമീർ, ഡാനിയൽ ബാലാജി തുടങ്ങി ഒരു വലിയ താര നിര തന്നെ വട ചെന്നൈയിൽ അണിനിരക്കുന്നുണ്ട്.