പുതിയ ചിത്രവുമായി ഉണ്ണി ആർ

ആഷിഖ് അബു തന്റെ റിലീസിനായി ഒരുങ്ങിക്കൊണ്ടിരിക്കുന്ന വൈറസ് എന്ന ചിത്രത്തിന്റെ തിരക്കിലാണ്, ഈദിന് ചിത്രം കേരളത്തിൽ പ്രദർശനത്തിനെത്തും. വൈറസിന് ശേഷം ആഷിഖ് അബുവിന്റെ അടുത്ത ചിത്രത്തിന് വേണ്ടി ഉണ്ണി ആർ ആയിരിക്കും തിരക്കഥ രചിക്കുന്നത്. ചിത്രത്തിൽ നായക വേഷം കൈകാര്യം ചെയ്യുന്നത് സൗബിൻ ഷാഹിറായിരിക്കും. അടുത്തിടെ ഒരു അഭിമുഖത്തിലാണ് ആഷിഖ് അബു തന്റെ പുതിയ ചിത്രത്തിന്റെ വിശേഷങ്ങൾ പങ്കുവെച്ചത്. ചിത്രത്തിന്റെ ജോണറോ മറ്റ് അണിയറ പ്രവർത്തകരെ കുറിച്ചോ ഒന്നും തന്നെ സംവിധായകൻ പുറത്തുവിട്ടിട്ടില്ല. ഈ വർഷം അവസാനത്തോട് കൂടി ചിത്രീകരണം ആരംഭിക്കും.

ഉണ്ണി ആറിന്റെ തിരക്കഥയിൽ ആദ്യമായാട്ടായിരിക്കും ആഷിഖ് അബു ഒരു ചിത്രം സംവിധാനം ചെയ്യുന്നത്. ഉണ്ണി ആറിന്റെ തിരക്കഥയിൽ കോട്ടയം കുർബാന, ദുൽഖർ- ലാൽ ജോസ് ടീമിന്റെ ഒരു ഭയങ്കര കാമുകൻ എന്നീ ചിത്രങ്ങൾ അണിയറയിലുണ്ട്. മലയാള സിനിമയിൽ ഇപ്പോൾ വളരെ തിരക്കേറിയ നടൻ കൂടിയാണ് സൗബിൻ. റഷ്യയിൽ ഇപ്പോൾ ആൻഡ്രോയിഡ് കുഞ്ഞപ്പൻ എന്ന സിനിമയുടെ ചിത്രീകരണത്തിലാണ് സൗബിൻ. അടുത്തിടെ സന്തോഷ് ശിവൻ ചിത്രമായ ജാക്ക് ആൻഡ് ജിൽ എന്ന ചിത്രത്തിൽ അഭിനയിക്കുകയുണ്ടായി. ജോൺ പോൾ ജോർജിന്റെ അമ്പിളി, സിദ്ധാർഥ് ഭരതന്റെ ജിന്ന്, ഭരതന്റെ ജൂതൻ തുടങ്ങി ഒരുപാട് ചിത്രങ്ങളിൽ സൗബിൻ പ്രധാന വേഷത്തിലെത്തുന്നുണ്ട്.