മലയാളത്തിന്റെ യുവ താരം ഉണ്ണി മുകുന്ദൻ നായകനായി എത്തിയ ഏറ്റവും പുതിയ ചിത്രമാണ് മേപ്പടിയാൻ. നവാഗതനായ വിഷ്ണു മോഹൻ രചിച്ചു സംവിധാനം ചെയ്ത ഈ ചിത്രം നിർമ്മിച്ചതും ഉണ്ണി മുകുന്ദൻ തന്നെയാണ്. ഉണ്ണി മുകുന്ദൻ ഫിലിമ്സിന്റെ ബാനറിൽ അദ്ദേഹം ആദ്യമായി നിർമ്മിച്ച ചിത്രമാണ് മേപ്പടിയാൻ. അദ്ദേഹത്തിന്റെ കരിയറിലെ ഏറ്റവും വലിയ സോളോ ഹിറ്റ് ആയും മേപ്പടിയാൻ മാറി. ഇപ്പോഴിതാ കേരളാ മുഖ്യമന്ത്രി ശ്രീ പിണറായി വിജയൻ, മേപ്പടിയാൻ കാണാം എന്ന് തനിക്കു വാക്ക് നൽകിയതായി അറിയിച്ചിരിക്കുകയാണ് ഉണ്ണി മുകുന്ദൻ. മുഖ്യമന്ത്രി പിണറായി വിജയനെ ദുബായിൽ വെച്ചാണ് ഉണ്ണി മുകുന്ദൻ സന്ദർശിച്ചത്. അതിന്റെ സന്തോഷം ഉണ്ണി മുകുന്ദൻ തന്റെ സാമൂഹമാധ്യമ അക്കൗണ്ടുകൾ വഴി പങ്കു വെച്ചു. അദ്ദേഹത്തോടൊപ്പമുള്ള ചിത്രങ്ങൾ പങ്കു വെച്ച ഉണ്ണി മുകുന്ദൻ, ഈ ചിത്രം കാണാമെന്നു അദ്ദേഹം വാക്ക് നൽകിയ കാര്യവും കുറിക്കുന്നു.
മുഖ്യമന്ത്രിക്കൊപ്പം ഭക്ഷണം കഴിക്കാനായതിലെ സന്തോഷവും പങ്കു വെച്ച ഉണ്ണി, തന്റെ ജീവിതത്തിലെ ഏറ്റവും പ്രിയപ്പെട്ട ഓർമകളിലൊന്നാണിതെന്നും പറയുന്നു. ഈ കൂടിക്കാഴ്ച ഒരുക്കി തന്നതിന് ജോൺ ബ്രിട്ടാസ് എം പി ക്കും ഉണ്ണി മുകുന്ദൻ നന്ദി പറയുന്നുണ്ട്. സംസ്ഥാനത്തിന്റെ ഏത് ആവശ്യത്തിനും താൻ ഒപ്പമുണ്ടാകുമെന്നും തന്റെ സോഷ്യൽ മീഡിയ പോസ്റ്റിൽ ഉണ്ണി കുറിച്ചിട്ടുണ്ട്. ദുബായിലെ എക്സ്പോ 2020-ൽ ഉണ്ണി മുകുന്ദൻ നിർമിച്ച് നായകനായ മേപ്പടിയാൻ പ്രദർശിപ്പിക്കും. നാളെ വൈകിട്ട് ഇന്ത്യൻ പവലിയനിലെ ഫോറം ലെവൽ 3-ൽ ആണ് ഈ ചിത്രം പ്രദർശിപ്പിക്കുക. ഒരു മലയാള ചലച്ചിത്രം ദുബായ് എക്സ്പോ 2020-ൽ പ്രദർശിപ്പിക്കുന്നത് ആദ്യമായാണ് എന്ന പ്രത്യേകതയുമുണ്ട്. മുഖ്യമന്ത്രിക്ക് നല്ല ആരോഗ്യമുണ്ടാകട്ടെയെന്നും ഊർജസ്വലതയോടെ പ്രവർത്തിക്കാനാകട്ടെയെന്നും തന്റെ സോഷ്യൽ മീഡിയ പോസ്റ്റിൽ ഉണ്ണി മുകുന്ദൻ കൂട്ടിച്ചേർക്കുന്നുണ്ട്.
ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…
ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്…
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
This website uses cookies.