2022 ലെ പുതിയ ഓസ്കാർ ഫിലിം അക്കാഡമിയിലേക്കുള്ള അംഗങ്ങളെ തിരഞ്ഞെടുത്തപ്പോൾ ഇന്ത്യൻ സിനിമയിൽ നിന്ന് രണ്ടു പേർ പട്ടികയിൽ. തമിഴകത്തിന്റെ നടിപ്പിൻ നായകൻ സൂര്യയും ബോളിവുഡിന്റെ താരസുന്ദരി കാജോളുമാണ് ഓസ്കാർ ഫിലിം അക്കാദമി അംഗങ്ങളായി തിരഞ്ഞെടുക്കപ്പെട്ടത്. സൂററായ് പോട്രൂ, ജയ് ഭീം എന്നീ ചിത്രങ്ങളാണ് സൂര്യയെ ഈ നേട്ടത്തിന് അർഹനാക്കിയതെങ്കിൽ, മൈ നെയിം ഈസ് ഖാൻ, കഭി ഖുശി കഭി ഘം എന്നീ ചിത്രങ്ങളാണ് കാജോളിനെ അക്കാദമിയിലെത്തിച്ചത്. അക്കാദമി അംഗമാകാൻ ക്ഷണിക്കപ്പെടുന്ന ആദ്യത്തെ തമിഴ് നടൻ ആണ് സൂര്യ എന്നതാണ് ഏറ്റവും വലിയ നേട്ടം. തമിഴ് സിനിമയുടെ ചരിത്രത്തിന്റെ തന്നെ ഭാഗമായി സൂര്യ ഇതിലൂടെ മാറുകയാണ്. നടീനടന്മാരുടെ ക്യാറ്റഗറിയിലേക്കാണ് സൂര്യയും കാജോളും ക്ഷണിക്കപ്പെട്ടിരിക്കുന്നത്. 54 രാജ്യങ്ങളിൽ നിന്നുള്ളവരാണ് ഇത്തവണ അക്കാദമി അംഗങ്ങളായി തിരഞ്ഞെടുക്കപ്പെട്ടിട്ടുള്ളത്.
സുധ കൊങ്ങര സംവിധാനം ചെയ്ത സൂററായ് പോട്രൂ, ടി ജെ ജ്ഞാനവേൽ സംവിധാനം ചെയ്ത ജയ് ഭീം എന്നീ ചിത്രങ്ങളിലെ അതിഗംഭീര പ്രകടനം സൂര്യക്ക് വലിയ പ്രേക്ഷക- നിരൂപക പ്രശംസയാണ് നേടിക്കൊടുത്തത്. ഓസ്കാർ അവാർഡിനുള്ള നോമിനേഷന്റെ പ്രാഥമിക ലിസ്റ്റിൽ ഈ രണ്ടു ചിത്രങ്ങളും ഇടം പിടിച്ചിരുന്നു. അതുപോലെ തന്നെ ഓസ്കാർ അക്കാഡമിയുടെ ഒഫീഷ്യൽ യൂട്യൂബ് ചാനലിൽ ജയ് ഭീം എന്ന ചിത്രത്തിലെ ഒരു രംഗവും അവർ അപ്ലോഡ് ചെയ്തിരുന്നു. ഇന്ത്യൻ സിനിമക്കും തമിഴ് സിനിമക്കും ലഭിച്ച വലിയ ഒരംഗീകാരം കൂടിയായിരുന്നു അത്. ആഗോള തലത്തിലാണ് മേൽപ്പറഞ്ഞ രണ്ടു സൂര്യ ചിത്രങ്ങളും ശ്രദ്ധിക്കപ്പെട്ടത്. സൂര്യയും ഭാര്യ ജ്യോതികയും ചേർന്ന് നിർമ്മിച്ച ജയ് ഭീം തമിഴ്നാട്ടിലെ താഴ്ന്ന ജാതിക്കാർ നേരിടുന്ന പ്രശ്നങ്ങളും അടിച്ചമർത്തലുകളും അവതരിപ്പിച്ചപ്പോൾ, സുധ കൊങ്ങര ഒരുക്കിയ സൂററായ് പോട്രൂ എയര് ഡെക്കാന് സ്ഥാപകനായ ക്യാപ്റ്റന് ജി ആര് ഗോപിനാഥന്റെ ജീവിത കഥയാണ് പറഞ്ഞത്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.